Канабис Концентрати: Лајв Резин

• 1. Лајв Резин
• 2. Што е Лајв Резин?
• 3. Зошто Лајв Резин е Различен?
• 4. Како се произведува Лајв Резин?
• 5. Која е разликата помеѓу Лајв Резин и другите видови концентрати?
• 6. Дали Лајв Резин е фул-спектрум екстракт?
• 7. Заклучок

Лајв Резин е концентрат што има повисока содржина на терпени отколку другите концентрати. Тоа е затоа што растителниот материјал поминува низ процес што ги зачувува не само терпентите туку и дополнителните масла во растението.

1. Лајв Резин

Откако ќе се направи хервест на канабис растението, постојат бројни процеси од моментот кога ќе се исече до моментот кога ќе се консумира. Секој од овие процеси потенцијално ги отстранува соединенијата по кои трагаме (како што се терпените), што резултира со помалку вкус и арома, а може и да доведе до послаб ефект.

Лајв резин овозможува ефективно доловување на сите вкусови и ароми, резултирајќи со концентрат што има силен мирис како живото растение во последните недели од цветањето.

2. Што е Лајв Резин?

Лајв Резин е тип на концентрат богат со терпени; концентрираното масло по вкус и мирис е како жив канабис.

Овој тип на концентрат не бара сушење и созревање како другите концентрати. Со берба и замрзнување на растенијата, одгледувачот може речиси совршено да го зачува својот производ.

Најважно за корисниците е што лајв резин обезбедува попрецизен high, арома и вкус од другите концентрати и можеби е еден од ретките што ги носи сите уникатни ефекти по кои трагаме кога внесуваме одреден strain.

3. Зошто Лајв Резин е Различен?

Лајв Резин, за разлика од другите екстракции, е вистинска репрезентација на растението. 

Поради процесот низ кој поминува, лајв резин ги задржува речиси сите терпени и канабиноиди. Го има во различни вискозитети како budder, восок, џели и други.

Но, најпопуларeн е поради огромната количина на терпени и вкус, што го прави најдобриот начин за консумација на целосниот спектар на канабиноиди и терпени, веднаш зад цветовите.

4. Како се произведува Лајв Резин?

Лајв Резин не е нешто што може да се направи дома, потребна е специјална опрема и знаење.

Процесот започнува веднаш откако ќе се исече растението. Како што знаете, терпените лесно испаруваат од топлина, светлина или само од допир, за да се спречи губење на терпени целото растение брзо се замрзнува.

Забелешка: Нормалните екстракции (сушени и созреани) губат и до 60% терпени пред да стигнат до вас.

Но, замрзнувањето на целото растение носи предизвици; замрзнатите трихоми се екстремно кревки, така што растението треба да се ракува со голема грижа. Многу е тешко да ги ракувате растенијата без оштетување (особено трихомите), а како што знаете, некои канабис растенија можат да растат многу.

Друг проблем е тоа што свежо-замрзнатите растенија имаат висока содржина на вода, поради што извлекувањето лајв резин мора да се прави на субкритични температури.

За разлика од другите екстракции кои достигнуваат -18 Целзиусови (0F), температурата потребна за лајв резин е помеѓу -29C и -46C (-20F до -50F), што е исклучително тешко да се постигне во целиот процес и само специјализирани комерцијални замрзнувачи и ладни простории можат да достигнат толку ниски температури.

Намалувањето на температурата под нулата прави токсините да се одвојат од канабисовите масла, со што може да се отстранат за да се добие почист производ (ова се нарекува преципитација и не може да се направи дома без посебна опрема).

Најлесниот (и најбезбеден) начин за правење лајв резин е преку closed-loop екстракциски систем. Овие системи се многу скапи (почнувајќи од 10.000 УСД) и бараат специјално знаење за работа.

Closed-loop екстракторите работат така што растворувачот (обично бутан) се става под притисок и потоа се лади на екстремно ниски температури. Течноста потоа минува низ цевка што ја содржи свежо-замрзнатата растителна маса.

Токму во оваа цевка бутанот ги извлекува терпените и канабиноидите од растението.

Течниот бутан што сега ги содржи сите канабиноиди и терпени потоа оди во комора наречена dewax chamber (комора за одвојување восоци и липиди). Таа комора ги отстранува сите липиди и восоци, прочистувајќи ја екстракцијата и правејќи ја подготвена за човечка консумација.

Конечно, растворот што ги содржи сите соединенија од растението се складира во комора за собирање, каде што со блага топлина се испарува бутанот. Бутанот потоа се враќа во комората за складирање и се лади за повторна употреба.

Останува концентрирано лајв резин масло полно со канабиноиди и терпени.

5. Која е разликата помеѓу Лајв Резин и другите видови концентрати?

Лајв Резин е тип на концентрат што се прави со замрзнување на свежо набраниот канабис и одржување на субкритични температури пред и во текот на процесот на екстракција.   

Овој метод се разликува од другите процеси на екстракција по времето за сушење и созревање на растението пред екстракцијата.

Процесот на сушење и созревање низ кој обично поминува канабисот може многу да влијае на терпените. Други видови екстракции имаат време да ја изгубат влагата и хлорофилот.

За тоа време трихомите се изложени на услови што се неповолни за нивно зачувување, како што се топлина, кислород, мешање и светлина.

6. Дали Лајв Резин е фул-спектрум екстракт?

Full-spectrum се канабис екстракти кои го содржат целиот (или што е можно повеќе) профил на канабиноиди и терпени што го дава суровиот канабис.

Во зависност од тоа како е процесирано растението, лајв резин може да се смета за фул-спектрум екстракт. 

Не сите фул-спектрум екстракти бараат сложена опрема. Dry-sift hash (kief) е пример за фул-спектрум концентрат.

7. Заклучок

Лајв Резин може да се смета за најдобар тип на екстракција што е достапен. Можеби не е најсилен или со највисоко ниво на THC, но сигурно има најмногу терпени.

Ако барате најдобар тип на екстракт, ова е за вас. Додека THC дијамантите можат да имаат 70% или повеќе THC, но без терпени, лајв резин ќе ви ја пренесе целосната еxпериенца на strain-от, што го прави најдобар начин за доживување strain освен цветовите.