• 1. Прво, зошто воопшто се смееме?
• 2. Канабисот промовира релаксирана состојба на умот
• 2. a. Канабис против анксиозност
• 3. Канабисот го крева расположението
• 3. a. Марихуана за третман на депресија
• 4. Научно објаснување зошто тревата нè насмева
• 5. Смеењето е заразно!
• 6. Најважното

Дали некогаш сте наишле на некој што никогаш не консумирал марихуана, кој љубопитно ве прашал како точно се чувствувате кога сте напушени? Ако да, веројатно сте забележале колку е тешко да се опише како е да си напушен без да звучите барем малку чудно.

Кога ќе се обидеме да пребараме на интернет за формални одговори на овие прашања, може да налетаме на резултати што не се баш верни, како на пример тврдењето дека тревата ги прави луѓето мрзливи, и сл. Сепак, има еден ефект од канабисот кој е просто неоспорлив: марихуаната нè тера да се смееме.

Ова особено важи за првите неколку пати кога пушиме, кога можеме да поминеме часови смеешејќи се на нешта што се сосема глупави. Сите тие случки со пријателите каде што сме се смееле до солзи, никогаш нема да ги заборавиме.

Па, добро, знаеме дека марихуаната нè тера да се смееме, тоа никој не го оспорува, но која е причината за ова смеење? Зошто сме повесели кога пушиме марихуана? Тревата нè весели од неколку причини:

• Го зголемува расположението, па затоа се смееме;
• Го намалува стресот и ни овозможува релаксација, предиспонирајќи нè позитивно;
• Најчесто се консумира во друштво, а смеењето е заразно!

Да анализираме детално како тревата нè насмева.

1. Прво, зошто воопшто се смееме?

За да разбереме зошто канабисот нè тера да се смееме, не треба ли да сфатиме зошто воопшто се смееме? Се чини дека смеењето отсекогаш било дел од нашата историја и еволуција како луѓе.

Како што животните инстинктивно ги покажуваат забите и ржат за да ја заштитат храната, или мавтаат со опашката за да покажат удобност и среќа, така е и со нас - ние се насмевнуваме или се смееме. 

Смеењето е форма на невербална комуникација, и колку и да звучи изненадувачки, не е исклучиво за луѓето; постојат докази дека и други животни во животинското царство се смеат – од примати до глодари, па и луѓето. 

Кога ние или животните се смееме? Гаалење, игри и секојдневни интеракции се нормални сцени за смеење. 

Во животинското царство, покажувањето на забите е знак на самодоверба, животните тоа го прават за да ги исплашат предаторите, па така смеењето може да биде поврзано и со потсвеста за чувство на сигурност и комфор. 

2. Канабисот промовира релаксирана состојба на умот

Ако некогаш сте испушиле џоинт, веројатно сте забележале како брзо нè претвора речиси во стенд-ап комичари, особено кога сме сами. Никој не може да нè насмее повеќе од самите себе додека сме напушени и ги извршуваме обичните задачи.

Ова е затоа што канабисот отпушта некој вид на одвоена состојба на умот, во која го гледаме светот на поинаков, променет начин под неговото дејство.

Смеењето се случува во дел од мозокот наречен субкортикс, кој е одговорен за примарни функции, како дишење и контрола на базични рефлекси. Тоа значи дека смеењето е дел од основните човекови активности, па затоа не можеме свесно да го контролираме, исто како што дишеме без активно да мислиме за тоа. 

И бидејќи кога сме напушени од марихуана дозволуваме на мозокот да се опушти уште повеќе, како да влегуваме на автопатот на смеењето, дозволувајќи му да се раскотри слободно. 

Можеме да забележиме дека Мери Џејн носи додатен фактор на смеење бидејќи оваа состојба на опуштеност нè вади од брзото секојдневие околу нас, каде сите се премногу фокусирани или зафатени за да одвојат момент за смеење. И од оваа надворешна перспектива во која сме кога сме напушени, се смееме на стресовите од секојдневниот живот. 

Кога десната хемисфера од мозокот, каде што се толкува уметност и хумор, ќе забележи зголемен проток на крв предизвикан од консумација на канабис, како да добива додатна помош за смеење. Десната хемисфера е позната како креативниот дел од мозокот, што објаснува зошто можеме да сме поинспирирани или посмешни кога сме напушени. 

Канабис против анксиозност

Бидејќи оваа зен состојба на умот често е резултат на консумација на канабис, оние кои се борат со анксиозност всушност може да имаат корист од внесување на оваа волшебна билка. 

Посебно, CBD доминантните сорти докажано ги олеснуваат симптомите на анксиозни нарушувања кај пациенти, без да предизвикаат силен ментален напон што го дава THC. Сепак, бидејќи THC е најпсихоактивната компонента на канабисот, може да помогне и при третман на овие состојби. ¹

Секако, секогаш консултирајте се со својот терапевт дали треба или не да користите канабис за анксиозност, бидејќи секој човек е различен и не функционира сè исто кај секого. 

2. Канабисот го крева расположението

Друга можна причина зошто канабисот нè тера да се смееме е неговата способност да го подобри расположението кај повеќето корисници. Колкупати сте имале тежок ден или ужасно расположение, и сте забележале како тоа се подобрува откако ќе испушите џоинт или ќе удрите бонг?

Еуфоријата е еден од најчестите ефекти од напушеноста, и токму оваа еуфорија најчесто се поврзува со забава и добри моменти. Тоа е затоа што материите што го креваат расположението, како што е марихуаната, предизвикуваат ослободување на допамин во мозокот.

Допаминот, познат како хормон на среќата се лачи поради овие супстанци, вежбање или постигнување тешки цели на пример, и кога ги ослободуваме овие невротрансмитери, мозокот веднаш добива сигнал да се чувствува добро и задоволно. 

Затоа и е логично во оваа состојба на задоволство и пријатност сме повеќе расположени и отворени за смеење. А бидејќи марихуаната навистина го поттикнува производството на допамин, ова е уште една причина зошто се смееме кога сме напушени.

Марихуана за третман на депресија

Ако знаеме дека Мери Џејн ефективно го крева расположението преку зголемување на допаминот, можеме да претпоставиме дека канабисот може да биде алтернативен третман за пациенти со депресија.

Стимулирајќи го ендоканабиноидниот систем, марихуаната покажала дека ги ублажува симптомите на депресија слично како и многу антидепресиви, но без потребата да се зема секојдневно. 

Покрај тоа, канабисот ги избегнува многу од негативните несакани ефекти кои често ги предизвикуваат антидепресивите, како несоница, замор или сексуална дисфункција. Сè што е потребно е вистинската сорта и доза за пациентот да постигне повеќе објективност или мир во ситуации кои се вообичаено стресни. 

3. Научно објаснување зошто тревата нè насмева

Канабиноидите во марихуаната, особено THC, го менуваат расположението со активирање на рецепторите во ендоканабиноидниот систем, кој меѓу другото е одговорен и за контролата на расположението. ³

Затоа, кога марихуаната ве става во подобро расположение, смеењето е едноставно следниот чекор во синџирот. Сè што е малку смешно или колку-толку забавно, ќе ви биде пресмешно кога сте напушени затоа што сте предиспонирани да се смеете. 

4. Смеењето е заразно!

Како и зевањето, така и многу емоции, смеењето и насмевките се заразни. Не ви се случило некогаш кога некој близок е во лошо расположение, и неговиот облак од негативност врне и врз вас?

Истото важи и обратно – колкупати сте се смееле на висок глас без да знаете вистинската причина, само затоа што другиот се смееше?

Бидејќи канабисот ве тера да се смеете поради горенаведените причини, покрај тоа што обично се консумира како групна активност, лесно е да се насмеете заедно со пријателите кога сите сте напушени. 

5. Најважното

Канабисот е билка што носи многу корист за човекот, дури и во медицинска смисла, но ниту една корист нема да ја надмине радоста и смеењето што ни ги подарува. Нема поубаво чувство од тоа да се смееш самиот со себе или со пријателите додека си напушен — тоа е невино и едноставно чувство за хумор кое никому не штети. Марихуаната ќе донесе многу убави моменти во вашиот живот. 

Уживајте во пушењето и среќата! И не заборавајте да споделите кои ви се вашите омилени сорти за добро смеање.

НАДВОРЕШНИ РЕФЕРЕНЦИ

1. "Cannabidiol as a Potential Treatment for Anxiety Disorders" Esther M. Blessing, Maria M. Steenkamp, Jorge Manzanares, and Charles R. Marmar. Октомври 2015. 
2. "New Perspectives on the Use of Cannabis in the Treatment of Psychiatric Disorders" Maria Scherma, Paolo Masia, Matteo Deidda, Walter Fratta, Gianluigi Tanda, и Paola Fadda. Декември 2018.
3. "Cannabinoid Receptors and the Endocannabinoid System: Signaling and Function in the Central Nervous System" Shenglong Zou и Ujendra Kumar. Март 2018.