Лолипопинг: Техника за одгледување канабис за поголеми цветови

• 1. Што значи Лолипопинг
• 2. Зошто да се применува Лолипопинг?
• 2. a. Sog (sea of green) и scrog
• 2. b. Лолипопинг на автоцветни: предности и ризици
• 2. c. Зошто не е потребен лолипопинг за надворешни растенија
• 3. Како се прави лолипопингот?
• 3. a. Како се сече непотребниот раст
• 3. b. Најдобро е да се почне пред фазата на цветење
• 3. c. Сè одеднаш или постепено?
• 4. Зошто се важни генетиките при применување на лолипопинг?
• 5. Заклучок

Ако не сакате да гледате „попкорн“ цветови при одгледување семки од канабис, дефинитивно треба да ја научите техниката на лолипопинг (односно отстранување на долните гранки). Лолипопинг значи да се отстранат цветовите и гранките во долниот дел на растението бидејќи таму нема доволно светлина и тие остануваат неразвиени. Ќе добиете подобри резултати ако растението ја насочи енергијата кон горните коласи, кои ќе станат покрупни и поцврсти. Лолипопинг на не-автоцветни канабис растенија веднаш пред да го смените светлосниот циклус 12/12 секогаш вреди. Лолипопинг на автоцветни е малку потежок и може да даде помал принос. Но, бидете сигурни: квалитетот на преостанатите цветови ќе биде врвен. Продолжете со читање за да ги дознаете сите предности и недостатоци од лолипопинг, точниот тајминг, како да бидат цветовите изложени на доволно светлина и кои делови треба да се кратат.

Што значи Лолипопинг

Лолипопинг значи да се истенчи долниот дел на канабис растенијата, така што сите гранки долу ќе бидат потполно голи. Остануваат само неколку јазли на врвот и растението личи на лолипоп. Од таму и називот.

Зошто да се применува Лолипопинг?

Кога одгледувате канабис во затворен простор, опсегот на светлата што ги користите е ограничен. Цветовите на врвот добиваат доволно енергија за да станат големи и густи, но долните цветови и гранки се во сенка или едноставно надвор од опсегот на светлина.

Забелешка: Дури и ако користите дополнителни странични светла, разликата меѓу горните и долните гранки останува. Не е важно само колку е блиску цветовите до светлата, туку и нивната позиција на гранката. Таканаречената „апекс-доминантност“ осигурува дека сè најдобро оди на врвовите.

Поради сето тоа, долните цветови остануваат мали и меки и содржат многу малку или воопшто немаат трихоми. Кога ќе ги жнеете и исушите, таквите цветови изгледаат непривлечно, имаат ниска јачина и лош вкус. Најдобро е да се ослободите од нив и со таа енергија да ги храните повисоките делови преку техниката лолипопинг. Лолипопингот оди рака под рака со уште една техника – кратење. Двете се многу слични, но со кратење обично се тргаат долги гранки кои се засенети или ја згуснуваат крошната премногу.

И без интервенција, растението ќе даде добри резултати. Но, повеќето одгледувачи не сакаат само добри – сакаат одлични резултати! Канабис природно расте бујно, со гранки од самото дно. Иако вака се добива многу лист и цвет, ваквата структура всушност намалува и приносот и квалитетот. Долните гранки се во сенка од густата горна крошна, листовите долу пожолтуваат и се исушуваат, а ниските цветови никогаш не достигнуваат ист квалитет и густина како оние што се повисоко. Лолипопингот физички го решава овој проблем со отстранување на неидеалниот долен раст.

На прв поглед, ова изгледа спротивно на логиката, особено за почетници. Како со краење делови од растение се добива поголем и подобар принос? Размислете вака: Долните делови од растението бараат доста ресурси – хранливи материи и вода. Но, поради недостаток на светлина, тие не го користат потенцијалот. За да ги „одржи во живот“, растението шири азот, фосфор, калиум, шеќери, вода и протеини и кон тие делови. Со отстранување на долните гранки и лисја, тие вредни ресурси се ослободуваат и растението ги насочува кон деловите кои добиваат повеќе светлина. На тој начин се поттикнува посилен раст и поголеми, подобри цветови во горната крошна. 

SOG (Sea Of Green) и ScrOG

Лолипопинг е одлична дополнителна техника со секој метод на тренирање – било да е тоа LST или super cropping – но e задолжителна ако го практикувате ScrOG методот. Идејата со ScrOG е да имате рамна крошна, при што сите цветови се на еднаква оддалеченост од светлото. Но, крошната станува многу густа и се што е под мрежата е во полна сенка и треба да се отстрани.

Кога одгледувате канабис со SOG (sea-of-green) метод, дали ви е потребен лолипопинг зависи од висината на растенијата. Често тие се доволно мали што светлото продира до дното, па лолипопинг може и да не е потребен.

Лолипопинг на автоцветни: предности и ризици

Кај фотопериодни сорти во затворено, лолипопингот е лесна одлука бидејќи таквите растенија имаат време за закрепнување од стрес. Со автоцветни сорти треба да бидете многу повнимателни. Ако сакате само што е можно повеќе принос без оглед на квалитетот, оваа техника можеби не е за вас. Лолипопинг на автоцветни може да предизвика доволен стрес и да го намали целосниот принос. Или можеби нема. 

За да се одговори на ова прашање најдобро е страна по страна да одгледате и двете – со и без лолипопинг под исти услови. Единствената разлика нека биде тоа дали ги кратите долните цветови или не. Дури и да сфатите дека со лолипопингот приносот е помал, квалитетот на цветот ќе биде многу поконзистентен, односно нема да има лабави „ларфови“ туку само убави, компактни цветови.

Па, кај автоцветните лолипопингот може да резултира со:

• Помали приноси (што обично не се ни забележуваат),
• Подобар вкупен квалитет на цветот (многу забележливо).

Зошто не е потребен лолипопинг за надворешни растенија

Канабисот на отворено прима светлина на целосно поинаков начин од оној во затворено. Сонцето во текот на денот свети од различни агли, па најголемиот дел од цветовите добиваат барем малку сонце во текот на денот. Секако, постои разлика меѓу најгорните и најдолните цветови поради апекс-доминантноста (види погоре), но не е доволна за да се применува лолипопинг кај надворешни растенија. Има други причини поради кои треба да се отстранува долниот раст, на пример за да се спречи задржување на застоен воздух близу земја.

Како се прави лолипопингот?

Одгледувачите со барем неколку циклуси знаат до каде долу добиваат квалитетен цвет. Тоа зависи од силата и пенетрацијата на светлата. Тргнете ги сите левци за кои знаете дека нема да бидат добри. Ако немате искуство, правило е да се скрати сè во долната третина од растението. Некои одгледувачи кратат и долни 50%, ама тука приносите се значително намалени. Сепак, тоа може да биде добар избор за CFL, T5 или други слаби светла. Во најголем дел од другите случаи - не претерувајте.

Може и обратно: наместо да размислувате колку да скратите, одлучете колку јазли сакате да останат. Вообичаено, одгледувачите чуваат 4-5 јазли на врвот. Со послаби светла, тоа може да биде само 3-4 јазли.

Лолипопинг техники: One-nodding

Главната идеја на лолипопинг е отстранување на долните лисја и гранки, а има и повеќе техники. Пред да ја прочитате основната метода, еве кусо за тоа како поискусните го прават ова – да имате претстава дека може да добиете добри резултати на неколку начини и во разни периоди. Постојат нови техники како One-nodding која исто така отстранува долен раст, но заштедува многу време и труд. Кај оваа техника се кратат сите лисја до првиот јазол истиот ден кога ќе го смените циклусот на светло на 12/12, односно лолипоп до последниот јазол на секоја гранка при промена на циклусот. Не велиме дека ова е подобро од која било друга техника, но покажува дека до посакуваните резултати може да стасате на повеќе начини ако ја следите основната идеја – отстранување на долниот раст.

Како се сече непотребниот раст

Лолипопинг може да се прави со рака, со ножици или секатори – како што ви е полесно. Најдобро е точките за цветови да се тргаат додека се мали – така растението уште нема потрошено многу енергија на нив. Доволно е да го исчкрапите so прстите. Ако гранча веќе задебели или зајакне, користете ножици. Ножиците треба да се чисти, а најдобро и дезинфицирани со алкохол ако правите повеќе сечиња.

Почнете со отстранување на вентилаторските листови што се најблиску до стеблото или гранката. Потоа тргнете го секундарниот раст – идната точка со цвет – која никнува од јазолот.

Најдобро е да се почне пред фазата на цветење

Повеќето одгледувачи се согласуваат дека лолипопингот е доста стресна техника и може неколку денa да го успори растот. Може и да го намали приносот ако нешто се згреши. Затоа целта е да изберете точен момент кога ќе нанесете најмалку штета. Генерално, се препорачува лолипопинг на самиот крај од вегетативната фаза. Кај фотопериодни сорти тоа е 2-3 дена пред промена на циклусот во 12/12. За автоцветни, лолипопингот се прави кога ќе ги видите првите пистили (женски влакна) на јазлите, но пред да почнат да се формираат цвеќиња на врвовите. Подоцна може да најдете остатоци во долната третина кои сте ги пропуштиле. И тоа е во ред, скратете ги.

Во пракса, луѓето често одлучуваат да лолипопираат кога растението веќе е во цвет и станува видно кои цветови треба да се држат, а кои да се тргнат. Многу одгледувачи го прават тоа во првата недела од цветење, после 2 недели или дури и подоцна. За некои ова е рутина.

Ако читате форуми за канабис, ќе најдете десетици мислења. Некои велат дека првите две недели од цветењето се најосетливиот период – значи лолипопингот тогаш да не се прави, туку во 3. или 4. недела, или дури по растегнувањето, во 5. или 6. недела. Други велат дека колку порано се надмине стресот, толку подобро.

Не гатајте! Лолипопирајте пред да почне фазата на цвеќење. Така растенијата ќе се концентрираат на формирање цвеќиња наместо закрепнување. Лолипопинг во веге бара претходно планирање и вештина, но вреди.

Сè одеднаш или постепено?

Онака како има помалку стрес. Со автоцветни подобро е прво малку да скратите и да гледате дали растението ќе сопре. Ако не сопре, продолжете одеднаш. Може и лис по лис и точка по точка – важно е позициите за цвеќиња да добиваат доволно светлина. Имајте предвид дека тогаш лолипопингот ќе потрае и во фазата на цветење, а тоа може да внесе повеќе стрес. Запомнете дека ваквите техники се препорачуваат само за здрави и силни растенија. Ако растението веќе е во шок и не расте – оставете го на мир додека не се опорави!

4. Зошто се важни генетиките при применување на лолипопинг?

Генетската структура на растението секогаш влијае на тоа како ќе реагира на стрес и на условите, вклучувајќи го и лолипопингот и другите форми на кратење. Како што видовме погоре, лолипопингот може да биде прилично стресен, особено за автоцветните. Последно што сакате е да стресирате автоцветно бидејќи може да почне да цвети многу порано од очекуваното и поради тоа да имате лош принос. Дури и при доволно светло, лошата генетика често е причина што растенијата лошо реагираат на техники за тренирање, поради што е многу важно да дадете малку повеќе пари на проверен одгледувач како што се нашите сопствени генетики. Често се случува автоцветни од различни брендови да не издржат ниту најмала интервенција и да дадат едвај 7 грама цвеќе – чиста загуба на простор и струја.

Но, ова не важи само за автоцветни – има и фотопериодни сорти со осетлива генетика. Се случува луѓе да лолипопираат фотопериодни по првите две недели од цвет и сите стануваат хермафродитни поради стресот, па остануваат без принос. Затоа е важно да истражите за генетиката и брендот пред да започнете да купувате и садите. Кога ја применувате оваа техника, добра идеја е да имате повеќе растения па да експериментирате. Бидејќи не секое растение е исто, најдобро ќе дознаете дали лолипопинг/кратење функционира ако примените јака интервенција на едно, а другото го оставите мирно. Проследете ја разликата во раст и дали лолипопираното растение воопшто ќе застои.

5. Заклучок

Иако практикувањето лолипопинг кај автоцветните и фотопериодните канабис растенија не е контроверзно, се уште има доста различности и непознати. Не бирајте сорта само според името – проверете ја генетиката и проверете што најдобро одговара за вас! Ако имате искуство со кратење или лолипопинг, и сакате да дадете совет како цветовите да добиваат доволно светлина – коментирајте подолу!

Надворешни извори

1. Photosynthetic response of Cannabis sativa L. to variations in photosynthetic photon flux densities, temperature and CO2 conditions, Physiology and molecular biology of plants: an international journal of functional plant biology. Oct 2008.
2. An Update on Plant Photobiology and Implications for Cannabis Production, Frontiers in Plant Science. March 2019.