Мароко работи на легализација на одгледување канабис

Мароко е меѓу најголемите производители на канабис во светот, иако работи во легална сива зона, земјата го извезува поголемиот дел од своето производство во Европа. Неодамна донесен закон во парламентот, но сè уште не е одобрен, може да го легализира одгледувањето на канабис за индустриски и медицински цели во одредени региони на земјата.

Законот донесен, но сè уште не е одобрен

Иако сè уште не е одобрен од кралот, Парламентот донесе закон кој може да го легализира одгледувањето, користењето и извозот на канабис за медицински и индустриски цели (како коноп поради неговите влакна), но не го легализира канабисот за рекреативна употреба и ќе дозволи одгледување само во одредени делови од државата.

Локалното население се согласува дека овој закон може да дозволи развој на одредени региони, бидејќи во поголемиот дел каде што се одгледува канабис нема ниту инфраструктура, училишта или болници, а најважно од сè, ќе помогне да се запрат бунтовите и насилството поврзано со канабисот. Последните неколку години имаше насилни протести поради повеќе региони кои зависат од производството на канабис, а владата секогаш беше против тоа поради тоа што ОН го класифицираа канабисот како опасна супстанца. Но неодамна, Обединетите нации го тргнаа медицинскиот канабис од таа листа и сега мароканската влада може да преговара со производителите на канабис.

Предности и недостатоци на легализацијата

Мароканскиот министер за внатрешни работи тврди дека со регулирање на производството на канабис, владата ќе може да се справи со крчењето шуми и деградацијата на почвата, истовремено овозможувајќи им на оние кои зависат од канабисот, да опстанат без страв од законот. И покрај бројните придобивки, владата е загрижена бидејќи повеќето фармери немаат обука за одгледување канабис според меѓународни стандарди и можеби нема да произведат доволно за да се одржува бизнисот.

Експертите велат дека Мароканците произведуваат количина, но не и квалитетен канабис, и најчесто го одгледуваат во планини или оддалечени области што можеби не се идеални, па има многу планирање и подготовка пред сè да почне да функционира како што треба. Локалното население исто така е загрижено бидејќи овој предлог не решава значаен проблем — досега речиси 50.000 фармери се уапсени поради одгледување и користење канабис.