Користи и придобивки од коноп

• 1. Што е коноп?
• 2. Кои се употребите на конопот?
• 3. Здравствени придобивки од конопови семиња
• 3. a. Конопови семиња за намалување на ризикот од срцеви заболувања
• 3. b. Конопови семиња и масло за кожни заболувања
• 3. c. Конопот како извор на протеини
• 3. d. Конопови семиња за олеснување ПМС и менопауза
• 3. e. Конопови семиња за варење
• 4. За крај

Дали некогаш сте слушнале некој да го споменува поимот 'коноп' додека зборува за марихуана? Најверојатно одговорот е да.

И додека некои мислат дека конопот е само уште еден кул начин да се нарече марихуаната, всушност постојат разлики помеѓу конопот и марихуаната. 

Иако и конопот и марихуаната биолошки се класифицирани како канабис, тие се разликуваат главно во начинот на кој секоја сорта се користи. Значи, што точно е коноп и кои се неговите користи и придобивки?

1. Што е коноп?

Терминот коноп, или индустриски коноп, се однесува на сортите на неинтоксицирачки Cannabis Sativa L., кои содржат помалку од 0,3% THC и висока концентрација на CBD. Ова значи дека конопот е вид на канабис растение што нема психоактивно дејство. 

Иако и конопот и марихуаната потекнуваат од истата канабис сорта, покрај употребата тие се и генетски различни, со различен хемиски состав и начини на одгледување. Особено, конопот е едно од најбрзорастечките растенија. 

Конопот всушност е една од најстарите култури кои луѓето ги имаат домашно одгледувано. Уште од 8.000 година п.н.е., конопот се користел за производство на хартија, текстил и јаже, сè до денешните употреби што ги познаваме.¹

Конопот обично се одгледува поради индустриската употреба на неговите производи. Може да се преработи во огромен број комерцијални и природни производи, како што се:

• Хартија;
• Текстил;
• Облека;
• Биоразградлива пластика;
• Боја;
• Изолациски материјал;
• Биогориво;
• И храна, и за луѓе и за животни.

Сепак, конопот е исто така широко познат по своите диетални и здравствени придобивки, како што се анксиолитичките и антипсихотичките својства, неурозаштита, антиинфламаторно и олеснување на болки, намалување на епилептични напади, олеснување на несакани дејства од хемотерапија и смирување на паркинсонови грчеви.

2. Кои се употребите на конопот?

Употребата на конопот е многубројна, од индустриска, како што спомнавме погоре, за производство на текстил и хартија, до нутритивна и медицинска. Бидејќи конопот е обновлив извор за природни материјали, може да се вгради во илјадници различни производи.

На пример, неговите семиња и цветови се користат во храна, органска козметика и други нутриционистички производи. Употребата се разликува според неговите две главни форми: семиња и стебло, да ги погледнеме:

Освен што е корисен за изработка на овие и уште многу други производи, консумацијата на конопови семиња носи и многу здравствени придобивки.

Да ги разгледаме диеталните придобивки од конопот.

3. Здравствени придобивки од конопови семиња

Коноповите семиња се богати со хранливи материи, здрави масти, протеини и неколку минерали, па додавањето свежи конопови семиња во нашата исхрана носи одлични здравствени резултати.²

Најпрвин, коноповите семиња се сметаат за јаткасти плодови, а тие генерално се одлични за нашата исхрана. Со својот блага јаткаст вкус, коноповите семиња, или срца, содржат повеќе од 30% есенцијални масни киселини, како омега-6 и омега-3. 

Коноповите срца содржат и значителни количини на гама-линоленска киселина, која е позната по своите антиинфламаторни и болкоолеснувачки својства; намалување на ризикот од рак; помош при болести на срцето; ублажување симптоми на нервни оштетувања кај лица со дијабет тип 1 или 2 и други здравствени придобивки.³

Понатаму, коноповите семиња се одличен извор на протеини, здраво за вегетаријанци и вегани, имаат повеќе од 25% висококвалитетен протеин од вкупните калории. Тоа е повеќе протеин од другите познати семиња, како чиа и лен, кои содржат 16-18% протеин. 

Конечно, коноповите срца се богати и со витамин Е и минерали како калиум, фосфор, магнезиум, натриум, сулфур, калциум, железо и цинк. Додавањето свежи, готвени или печени конопови семиња или масло во вашите рецепти ќе ја зголеми хранливата вредност на вашите оброци.

Зошто да не ги користите коноповите семиња или масло и за медицински цели?

Конопови семиња за намалување на ризикот од срцеви заболувања

Една од најчестите причини за смрт ширум светот е срцева болест. Изненадувачки, или можеби не, консумирањето конопови семиња може да го намали ризикот од срцеви заболувања. 

Исто како и другите јаткасти плодови и како што спомнавме погоре, коноповите семиња изобилуваат со здрави масни киселини кои се одлични за телото и умот. 

Особено, коноповите семиња содржат високо ниво на аргинин, аминокиселина која произведува азотен оксид во телото. Азотниот оксид е гасовита молекула што ги опушта и проширува крвните садови, што значи понизок крвен притисок и помал ризик од срцеви заболувања.⁴

Конопови семиња и масло за кожни заболувања

Конопот е богат извор на полинезаситени и есенцијални масни киселини, како што се добро познатите омега-6 и омега-3. Овие масни киселини имаат клучна улога за имунолошките одговори на телото. 

Односот 3:1 на омега-6 и омега-3 масни киселини што се наоѓаат во конопот го прават оптимален за совршен баланс на имуниот систем. 

Луѓето кои страдаат од кожни состојби како егзема или псоријаза забележале подобрување на нивото на есенцијални масни киселини во крвта со консумација на конопово масло, со намалена сува кожа, подобар чешање и помала потреба од други лекарства за кожа.^{5, 6}

Конопот како извор на протеини

Како што спомнавме погоре, околу 25% од калориите во конопот доаѓаат од протеини, што е речиси колку и количината на протеини наоѓана во говедско месо и јагнешко. Tочно како киноа, конопот се смета за целосен протеин на растителна основа, обезбедувајќи ги сите есенцијални аминокиселини што телото не може самото да ги создава. 

Така што, конопот е одлична алтернатива за протеин за вегетаријанци и вегани кои бараат начини да додадат здрави и неопходни аминокиселини во својата исхрана, како метионин, цистеин, аргинин и глутаминска киселина. 

Конопови семиња за олеснување ПМС и менопауза

80% од жените во репродуктивна возраст можат да страдаат од симптоми на предменструален синдром - ПМС во некој момент од животот. Тоа вклучува и физичка и емоционална болка, обично предизвикана од чувствителност на хормонот пролактин.

Истражувањата утврдиле дека гама-линоленската киселина (GLA) што се наоѓа во коноповите семиња поттикнува создавање на простагландин Е1 во организмот, кој го намалува дејството на пролактинот.⁷

Коноповите семиња или маслото исто така помагаат при намалување на болка и осетливост на градите, раздразливост и депресија, како и задржување на течности, кои се најчести симптоми на ПМС. Поради високиот GLA, препорачани се и за намалување на симптомите на менопауза, регулирање на хормоналниот дисбаланс и воспалението што го придружува. 

Конопови семиња за варење

Добро варење и здрава исхрана силно се поврзани со внесот на влакна. Влакната се дел од растителната храна (овошје, зеленчук, житарки, грав, јатки) што телото не може да ги раздроби.

Бидејќи не може да ги разгради, влакната минуваат неварени низ телото, одржувајќи го дигестивниот систем чист и здрав, олеснувајќи го празнењето и елиминирајќи холестерол и опасни материи од телото. 

Особено, коноповите семиња се одличен извор на растворливи и нерастворливи влакна, со 20% и 80% од секој тип, соодветно.

Внимавајте, ако сакате да ги добиете сите влакна од коноповите семиња, да не бидат лупени бидејќи повеќето влакна се наоѓаат во лушпата.

Растворливите влакна создаваат желе-структура во цревата, што е одличен извор на корисни дигестивни бактерии и може да ги намали пиковите на шеќер во крвта и да го регулира холестеролот. 

Нерастворливите влакна ја зголемуваат масата на столицата, помагајќи полесно да мине храната и отпадот низ цревата. Овие влакна исто така се поврзани со намалување на ризикот од дијабетес.

4. За крај

Конопот е многу нутритивен, здрав и целосен составен дел на семејството на канабисот.

Неговата употреба датира илјадници години наназад, за текстил, хартија и други индустриски производи. Сепак, здравствените придобивки од конопот сè уште не се широко познати низ светот, а треба да бидат. 

Овие не-психоактивни природни состојки лесно се додаваат во исхраната и навистина нудат одлични својства, и за здравје и за исхрана. Зошто да не ги пробате и сами да ги почувствувате резултатите? 

НАДВОРЕШНИ РЕФЕРЕНЦИ

1. "Hemp: American history revisited. The plant with a divided history." Robert Deitch, 2003.
2. "Nutritive quality of romanian hemp varieties (Cannabis sativa L.) with special focus on oil and metal contents of seeds" Marcela Mihoc, Georgeta Pop, Ersilia Alexa, and Isidora Radulov. October 2012. 
3. "Gamma linolenic acid: an antiinflammatory omega-6 fatty acid" Rakesh Kapoor and Yung-Sheng Huang. December 2006. 
4. "Nitric oxide and pathogenic mechanisms involved in the development of vascular diseases" Claudio Napoli and Louis J. Ignarro. August 2009.
5. "Efficacy of dietary hempseed oil in patients with atopic dermatitis" James Callaway, Ursula Schwab, Ilkka Harvima, Pirjo Halonen, Otto Mykkänen, Pekka Hyvönen, and Tomi Järvinen. April 2005. 
6. "Plants used to treat skin diseases" Nahida Tabassum and Mariya Hamdani. January 2014.
7. "The regulation of prostaglandin biosynthesis by the manipulation of essential fatty acid metabolism" D.F. Horrobin. October-December 1983.