Разбирање на терпените: Што е Пинен?

• 1. Што е Пинен?
• 2. Каде може да најдете Пинен, освен во канабисот?
• 3. Кои се својствата на Пиненот?
• 3. a. Пинен за противвоспаление и олеснување болка
• 3. b. Пинен како антимикробен
• 3. c. Неурозаштитно и антиоксидантно дејство на Пинен
• 3. d. Пинен за анксиозност и депресија
• 3. e. Пинен за превенција од рак
• 4. Каква е употребата на Пиненот?
• 5. Кои сорти содржат Пинен?
• 6. Заклучок

Колку и да звучи зборот терпени научно и сложено, дури и ако не сте биле свесни за тоа, сите ние знаеме што се терпени, само не ја знаевме дефиницијата од речникот. 

Терпените се оние што даваат арома и вкус на се што постои во природата, од дрвја до цвеќиња и овошја. Но, најважно од сè, терпени го даваат специфичниот вкус, арома и дел од активните својства на секоја канабис сорта. 

Постојат огромен број терпени кај канабисот, како што е пиненот, еден од најчестите терпени во цветовите на марихуаната, кој веројатно веќе сте го почувствувале. Чекај, мислиш на тој мирис на бор и дрвна арома? Да, пријателе, тоа е пиненот. 

1. Што е Пинен?

Како и сите други терпени, пиненот се создава во трихомите на цветовите од канабисот, тие сјајни, проѕирни жлезди во форма на печурки, каде што се развиваат и други канабиноиди како THC и CBD. Иако првично се појавиле за да ги заштитат растенијата од предатори во нивното природно живеалиште, терпените ни нудат широк спектар на придобивки за луѓето.

Пинен (пај-нин), е терпенот кој е главен виновник за шумската атмосфера (во зависност од сортата) кога ви доаѓа мирис како пушите џоинт или бонг. Најверојатно се развил како начин на камуфлажа од инсекти кај канабисот кој расте во шумски предели.

Постојат две различни форми на пинен: алфа-пинен и бета-пинен. Обично, алфа-пиненот доминира како терпен и во природата и во канабисот. 

2. Каде може да најдете Пинен, освен во канабисот?

Освен во канабисот, пиненот како различен вид терпен се наоѓа во босилек, копар, рузмарин, магдонос и во етеричните масла на овие растенија. Пинен има и во дрвја со конусовидна форма, наречени четинари, односно борови и кедри.

Пинен можете да пронајдете и во борови семки, кои содржат пинен масло, исто така и во кората од портокал и лимета. Бидејќи инсектите го одбиваат мирисот на пинен, често се користи како состојка во репеленти. 

3. Кои се својствата на Пиненот?

Пинен терпените не само што даваат земјена, шумска и дрвена нијанса на вашите канабис цветови, туку носат и неколку здравствени придобивки, како што се:

• Олеснување на болка и воспаление;
• Превенција на рак;
• Делува антимикробно;
• Бронходилататор; 
• Помага при анксиозност и депресија и повеќе.

Да ги разгледаме својствата на пиненот во детали.

Пинен за противвоспаление и олеснување болка

Неколку студии направени и на животни и на луѓе покажале дека пиненот е ефикасен третман за воспаление. Ова важи и за терпенинот во канабисот и за тој во етеричните масла.¹

Дополнително, друга студија покажа дека ароматичната соединение може да се користи за превенција на кожно воспаление предизвикано од УВ зрачење.²

Во врска со ублажување болка, студии покажале дека бета-пинен има својства за стабилизација на расположението и антимикробно дејство, помагајќи при олеснување и на болка и воспаление. Пиненот помага при болка од одредени видови рак, MS и артритис. Исто така го намалува краткорочното губење меморија предизвикано од THC. 

Пинен како антимикробен

Големо својство на пинен терпените е нивното антимикробно и антифунгално дејство. Студија објавена во Molecules во 2012 година испитувала делување на терпенинот врз повеќе микробни семејства.²

Резултатите покажале дека пиненот е многу отровен за Candida albicans, габата што предизвикува инфекција со квасец. Исто така, со консумирање на овој терпен можете да спречите инфекции од MRSA, бактерии отпорни на повеќето антибиотици.

Комбинирање на пинен со антибиотикот ципрофлоксацин значително го зајакнува делувањето на антибиотикот во елиминацијата на MRSA бактериите.

Неурозаштитно и антиоксидантно дејство на Пинен

Антиоксидансите се супстанции кои го забавуваат стареењето на телото. Истражување од 2018 покажало дека пиненот има силно антиоксидансно дејство што може да помогне како неурозаштита кај болести како Паркинсон и Алцхајмер. 

Терпенот има двојно антиоксидансно влијание. Прво, ја забавува продукцијата на штетни молекули наречени реактивни кислородни видови (ROS), кои го „окислуваат“ телото, т.е. нè стареат, од тука антиоксидансниот дел. Како и цветовите од марихуана, и ние како старееме, преку декарбоксилација со сонце, време и кислород, созреваме и старееме. 

Второ, пиненот ја зголемува експресијата на природните антиоксидансни хемикалии: на пример, каталаза (CAT); супеоксид дисмутаза (SOD); глутатион редуктаза и пероксидаса (GR и GPx); и хем оксигеназа 1 (HO-1).

Истражувачите заклучиле дека пиненот може да го забави или спречи развојот на невролошки болести со балансирање на оксидативно-антиоксидантниот однос во нервниот систем.

Пинен за анксиозност и депресија

Марихуаната често им се препишува на пациенти со депресија или анксиозност за поправка на расположението. Истражување од 2015 година вели дека бета-пинен заедно со линалол, друг терпен, имаат ефекти слични на антидепресиви.³

Пинен за превенција од рак

Повеќе студии потврдиле дека комбинацијата на алфа и бета-пинен има анти-туморни својства. Двете варијанти на пинен се надополнуваат со позитивен синергетски ефект во намалување на туморите. 

Во исто време, алфа-пиненот може ефикасно да третира рак на простата, покажала студија на глувци во 2018 година, да, и тука имаме тестирање врз животни.

4. Каква е употребата на Пиненот?

Освен во медицински цели, пинен најчесто се користи во репеленти против инсекти и за додавање вкус или арома во одредени мириси и храна. Миризливите мини-борчиња за возила? Најверојатно содржат пинен. 

Пробале ли некогаш слатки од кора од портокал? Или додале рендана кора од лимон на десерт? Во тој случај сте уживале многу терпени од пинен — и двете состојки се богати со пинен масло. Или јаделе борови семки за ужина? Тие исто така содржат пинен масло. 

Изненадувачки, пиненот се истражува и како можно биогориво за мотори со палење со искра. Кога ќе се поврзат две исти молекули на пинен (димери), тие можат да генерираат топлотна енергија споредлива со тоа што се користи дури и како гориво за ракети.

Иако пиненот природно се јавува, научниците од Georgia Institute of Technology и Joint Bio-Energy Institute успеале синтетички да произведат терпен, експериментирајќи со бактерии.

5. Кои сорти содржат Пинен?

Пиненот е еден од најчестите терпени кај канабис растенијата. Го има во големи количини во нашата сорта на Fast Buds Pineapple Express, силен хибрид со тропски слатки, овошни и кисели ноти на ананас.

6. Заклучок

Марихуаната изобилува со бои и патерни токму на гастрономско ниво. Во цветовите од марихуана можете да пронајдете бесконечни нијанси и вкусови, исто како да дегустирате вино или најкомплексното јадење на готвач. 

За нас љубителите на марихуана, важно е да го пронајдеме својот вкус во канабисот и да знаеме што да бараме кога ќе садиме семки. За да имате контрола врз идниот вкус на цветовите, мора да знаете кои терпени постојат и нивните карактеристики. 

Ако сте повеќе љубител на шумска, дрвена или рустична арома — тогаш дефинитивно барајте сорта богата со пинен.

НАДВОРЕШНИ РЕФЕРЕНЦИ

1. "Alpha-Pinene Exhibits Anti-Inflammatory Activity Through the Suppression of MAPKs and the NF-κB Pathway in Mouse Peritoneal Macrophages" Dae-Seung Kim, Hyun-Ja Lee, Yong-Deok Jeon, Yo-Han Han, Ji-Ye Kee, Hyun-Jeong Kim, Hyun-Ji Shin, JongWook Kang, Beom Su Lee, Sung-Hoon Kim, Su-Jin Kim, Sang-Hyun Park, Byung-Min Choi, Sung-Joo Park, Jae-Young Um, Seung-Heon Hong. Јуни 2015.
2. "Alpha pinene modulates UVA-induced oxidative stress, DNA damage and apoptosis in human skin epidermal keratinocytes" Ramasamy Karthikeyan, Govindasamy Kanimozhi, Nagarajan Rajendra Prasad, Balupillai Agilan, Muthusamy Ganesan, and Gunaseelan Srithar. Ноември 2018.
3. "Biological Activities of α-Pinene and β-Pinene Enantiomers" Ana Cristina da Silva Rivas, Paula Monteiro Lopes, Mariana Maria de Azevedo Barros, Danielle Cristina Costa Machado, Celuta Sales Alviano, and Daniela Sales Alviano. Јуни 2012.
4. "Linalool and β-pinene exert their antidepressant-like activity through the monoaminergic pathway" Silvia Laura Guzmán-Gutiérrez, Herlinda Bonilla-Jaime, Rocío Gómez-Cansino, and Ricardo Reyes-Chilpa.