Може ли канабисот да помогне во борбата против обичната настинка и грипот?

• 1. Што ги предизвикува настинката или грипот?
• 2. Зошто лековите се лоши за вас
• 3. Не пушете кога имате болно грло
• 4. Зошто јадењата се совршено решение
• 4. a. Гответе јадења за да ви помине времето
• 4. b. Бавно зготвено канабис кокосово масло
• 5. Најдобри јадења кога страдате од настинка или грип
• 6. За крај

Сè почнува со малку кашлање, течење на носот, па гребење во грлото, а можеби и изнемоштеност во телото. Додадете треска и силни главоболки и лесно можете да заклучите дека имате обична настинка или грип, се помисливте на ковид, нели?

Настинките и грипот се враќаат во нашите животи ретко или често, но најчесто кога некој дел од телото ќе се ослаби и ќе ги пушти овие “демони“ внатре, оставајќи не врзани за кревет една недела, а ако имате среќа, да не трае и подолго. Знаеме дека овие денови можат да бидат вистински кошмар, веќе нервозни од лошото чувство и без нешто да правите освен да лежите сè додека не оздравите. Но што ако ви кажеме дека канабисот може да биде вашиот најдобар сојузник при настинка и грип?

Марихуаната е позната по нејзините својства за намалување на болка, противвоспалителност и олеснување на спиење, што може да помогне да се излечите побрзо и да го направи целиот процес поподнослив. Освен тоа, канабисот е 100% природен медицински третман. Бидејќи сè повеќе луѓе избираат природни лекови, кога науката конечно ќе ги докаже медицинските придобивки на канабисот за настинки или грип, веројатно ќе стане еден од најпопуларните начини за заздравување. Но да видиме што велат експертите на оваа тема денес.

1. Што ги предизвикува настинката или грипот?

Повеќе од 200 различни вируси можат да ги предизвикаат симптомите на обичната настинка. Можеби како дете мајка ви ве обвинувала што сте играле надвор кога е ладно, но веројатноста е дека сте ја фатиле настинката од стотици микроби низ дворот, или канцеларијата години подоцна.

Се разболуваме по вдишување на вирусни честички, најчесто кога сме близу некој болен кој кашла, кива, или едноставно дише во наша близина. Може да се заразите и преку допирање на загадена површина и подоцна со рацете да ги допрете очите, устата или носот.

Звучи познато? Се обидуваме да избегнеме монотонична тема како коронавирусот, но користењето маски е најголемото и најјасното објаснување за овие феномени. Додека пролетта е најчесто време за алергии, зимата и есента се сезони за настинки и грип, со симптоми како:

Погрижете се да ги запомните овие знаци за да може да си го надополните својот сташ и бидете спремни да пробате алтернативно лекување на настинка или грип со канабис.

2. Зошто лековите се лоши за вас

Најчести лекови по кои луѓето ќе посегнат веднаш кога ќе почувствуваат мали симптоми на настинка или грип се базирани на ацетаминофен, ибупрофен или напроксен, меѓу другите. Сепак, има неколку недостатоци при користењето вакви лекови. Освен ако канабисот се покаже како ветувачки третман за овие симптоми, тогаш тоа дефинитивно ќе биде најзабавниот начин да се лечи болест, но ваквите лекови често знаат после подолга употреба да направат болен стомак.

Овие нестероидни лекови, каде спаѓаат најкористените лекови, може да доведат до појава на секундарни ефекти како што се воспалување на слузокожата на желудникот (гастритис), улкуси, крвавење или перфорација на слузокожата.¹ Затоа, ако имате чувствителен стомак, можеби е подобро да барате природни медикаменти. И тука не мислиме само на канабис, некои луѓе како лек користат чај, мед, сода бикарбона, лук и многу други природни препарати.

3. Не пушете кога имате болно грло

Кога спомнавме дека канабисот може да биде ефикасен третман за настинка или грип поради своите својства против воспаление, болка и подобар сон, НЕ велевме да запалите џоинт или бонг со болно грло. Напротив – ако грлото ви гори од болка, дефинитивно пробајте да избегнувате пушење било што тие денови, било тутун или марихуана. Вдишувањето било каков чад, дури и кога не сме болни, не е најкорисно за белите дробови и дишниот систем.

Сите знаеме дека кашлањето и пушењето трева одат рака под рака, па дури и во песни го слушаме тоа – на пример, во интрото на “Sweet Leaf“ на Black Sabbath или “Young Wild and Free“ на Wiz Khalifa. Затоа пауза е паметен потег! Последен минус од пушење канабис додека сте настинати е што истиот може дополнително да го затне носот. Ова е поради вазодилатациониот ефект на соединенијата во него – тоа значи дека крвните садови се релаксираат и шират, па оттука и терминот 'дилатација'.

Ткивото во носот е полно со мали крвни садови - капилари, кои при пушење трева се шират и поради тоа настанува затнат нос. Истото се случува со надуените, црвени очи – белите делови од нашите очи имаат многу крвни садови кои се шират и поради тоа очите стануваат црвени.

4. Зошто јадењата се совршено решение

Па, еве не како ви кажуваме колку канабисот е добра алтернатива за лекување на настинка или грип, а потоа ве плашиме со сите негатиивни аспекти и дека можно е дури да ви биде полошо – извинете, не сакавме да си поигруваме со чувствата, ветуваме. Подобро е да знаете однапред што да очекувате и вие да ја носите одлуката за себе.

Но, вистината е дека ова не значи сите алтернативи со канабис се неупотребливи – во суштина, сакаме да кажеме дека пушењето не е најдобра опција. Она што навистина ви го препорачуваме е јадења со канабис.

Совет за безбедност

Иако научно е докажано дека канабисот има многу здравствени придобивки, сепак прво консултирајте се со лекар околу третманот на настинка или грип за да избегнете несакани исходи, како продолжување на болеста.

Знаеме дека консумирањето марихуана преку јадења нуди многу здравствени придобивки, покрај тоа што е и забавно искуство. Главната причина да препорачаме јадења, иако и испарувањето (vape) е подобра опција од пушење, е што тука нема вдишување чад како кај другите начини. Без чад – здравје за белите дробови.

Тоа значи дека јадењата со канабис можат да бидат најдобар извор на медикаменти за многу состојби бидејќи не го засегаат вашиот гастроинтестинален систем, сепак го снабдуваат телото со здравствени придобивки од славните канабиноиди како THC и CBD, делуваат долго време и, секако вкусни се. Кога некој ефикасен лек никогаш бил вкусен?

Гответе јадења за да ви помине времето

Малку нешта се полоши од досадата, тоа ништо, скитањето низ куќата како дух без идеја што да правите. Ако на тоа го додадете и лошото чувство, духот делува уште побледо. Колку и да е забавно да гледате Netflix, кога докторот ќе нè опомене да се одмараме, нашето уво некако го разбира тоа бунтовнички, а одморот станува последната работа во главата (или само кај нас е вака?).

Телото бара одмор, ама мозокот ни се мачи да најде нешто забавно, и после 1-2 дена, нема доволно ТВ часови за таа досада. Не можеме баш да правиме ништо, или ништо што бара физички напор бидејќи телото е заморено и нервозно.

Веќе си прочитал теми, можеби заспал некое време и сега си буден, глава те боли, ТВ светлината те прави како вампир на сонце, што да правиш сега? Време е да скокнеш од кревет! Добро, не баш да скокнеш, туку полека стани и оди во кујна – време е да зготвиш канабис јадења!

Јадењата може да бидат и од суров канабис или декарбоксилирани цветови, еве неколку идеи:

• Зелени смутија;
• Додавање масло од коноп на кое било јадење;
• Печење нешто сладко;
• Расфрлање сурови цветови на салата;
• Или пак јадете семки!

Јадењата не само што ќе ја смират настинката или грипот туку ќе ја убијат и нервозата и досадата! Додека готвите здрави и вкусни канабис браунчиња, каш-каш, лекот, сигурно ќе се забавувате, што ќе го подобри и расположението. Но, пред да ставите престилка проверете го целосното упатство за правење совршено cannabutter за вашиот рецепт. Не заборавајте да ја измерите точната дозa THC за вас пред да изедете цела тава браунчиња и да ви стане полошо.

Сега кога сте добро информирани, конечно е време да се разгалите и забавувате низ овие болни денови и да уживате во здрави и вкусни канабис јадења. Веганска замена за cannabutter e canna-кокосово масло. Овие денови дури повеќе препорачуваме директно кокосово масло, бидејќи е многу пофлексибилно отколку cannabutter и трае многу подолго. Ајде брз рецепт за ова супер вкусно јадење основа, canna-коко масло.

Бавно зготвено канабис кокосово масло

Постојат неколку начини за правење canna-коко масло, но како што вели старата изрека – бавно и сталожено се победува трката. Кај секое јадење со медицинска намена, што поспоро го готвите, толку подобро ќе биди финалниот производ (до некоја мера). Ако имате slow cooker користете го, ама не е неопходно. Ако користите обичен лонец на рингла, само внимавајте температурата секогаш да е што пониска. Прво, да зборуваме малку за дозата. Гуглајте „edible dosage calculator“ – тие се корисни, особено ако ги знаете THC и CBD процентите во вашиот цвет. Но има и друг начин на пресметка.

Денес, кавалитетен цвет има меѓу 15% и 25% THC. Кај јадењата, дозата се пресметува во милиграми. На пример, за 5 грама цвет со 20% THC. Ако извлечете 100% THC, ќе добиете 1000 mg, но со готвењето дел се губи. За декарбоксилација множите x0.9 (1000 mg x 0.9 = 900 mg), а за екстракција уште x0.6 (900 mg x 0.6 = 540 mg THC во финалното canna-коко масло).

Препорачаната доза е 5 до 10 mg во зависност од толеранција, значи од 5 грама имате 54 до 108 дози. Сега со процесот: Прво декарбоксилирајте го цветот – стратете ја рерната на најниско, иситнете го цветот, ставете го на хартија за печење, и печете околу 20 минути. Готово!

Следно, наполнете лонец (или slow cooker) со 1.5 литри вода и зовријте. Додајте го кокосовото масло и намалете ја топлината така што се' само благо ќе врие. Кога ќе ставите рамномерно мелено растение, нека се готви околу еден час, па изгасете и оставете уште еден час. Повторете го процесот најмалку 4 пати (може и до 24 часа за најдобар ефект), и потоа процедете преку газа во стаклен сад. Ставете го садот во фрижидер еден час за маслото да се одвои и издигне. Готово – вашето канабис кокосово масло е спремно! Колку масло да користите? По ваша желба, можете по подготовката да додадете уште масло за да го разредите.

5. Најдобри јадења кога страдате од настинка или грип

Сега веќе знаете како да направите супер моќна и вкусна доза кокосово масло со канабис. Cannabutter беше популарен, ама сега многу повеќе ни се допаѓа кокосовото масло, поради неколку причини.

• Екстра девствено кокосово масло е многу поздрава опција од путер.
• Може да се користи во многу јадења.
• Ги пренесува терпените, ароматични соединенија на канабисот, подобро од путерот.
• Лесно се дозира.
• Трае подолго без расипување (доколку е добро процедено без растителен материјал).
• Е веганско!
• И толку е вкусно!

А што да направите со ова масло, ако имате настинка или грип? Најдобро е да барате рецепти што содржат и состојки кои го зајакнуваат имунитетот како лук, ѓумбир, мед, лимон и турмерик.

Додадете лажичка од вашето дозирано кокосово масло во некој од овие рецепти и добијте здравствен бенефит од канабиноиди и терпени за намалување на воспалението и борба против вирусот. Еве неколку омилени рецепти кога не напаѓа настинка или грип.

Дозиран чај од мед, лимон и ѓумбир

Состојки -

• Топла вода
• Коцка од ѓумбир (пола инч), ситно изрендан
• Една лажица мед
• Сок од еден мал лимон (30 ml)
• Може да додадете и турмерик ако имате
• 30 ml канабис-коко масло

Начин на подготовка -

• Зовријте вода.
• Додека се грее, изрендајте ѓумбир и турмерик, ставете ги во шолја.
• Стиснете лимон, додадете мед и дозиран масло.
• Налејте врела вода и добро промешајте.
• Оставете малку да подолади пред да пиете.

Ако не сакате топли пијалаци, еве следната опција...

Дозиран овошен шејк

Состојки -

• Омилено овошје – ананас и манго се супер за грип
• 1 унца кокосово млеко
• 1 унца мед
• 1 унца дозиран масло
• Mраз
• 3 унци вода
• Полa коцка ѓумбир и турмерик

Начин на подготовка -

• Многу едноставно – сите состојки во блендер и изблендирајте 30 секунди на максимум!

Дозирани чоколадо и ѓумбир колачиња

Состојки -

• 1 чаша дозиран масло (на собна температура)
• 3/4 чаша кафеав шеќер (може да замените со мед за поздраво)
• 1 лажичка ванила екстракт
• 3 чаши брашно
• 1 лажичка сода бикарбона
• 4 унци мелен ѓумбир
• 1/2 лажичка сол
• 4 унци црно чоколадо капки

Начин на подготовка -

• Загрејте рерна на 175°C (350F).
• Во голем сад промешајте масло и кафеав шеќер до целосно обединување.
• Додајте ванила и повторно промешајте.
• Во друг сад соединете брашно, сода бикарбона, ѓумбир и сол.
• Постепено додавајте суви во течни состојки додека не добиете густо тесто.
• Умешајте го чоколадото и повторно слегка промешајте.
• Со лажица или скутерот за сладолед, обликувајте колачињата на тавче со хартија, малку притиснете.
• Печете 8-10 минути или додека не заруменат.
• Оставете ги да изладат пред да јадете!

Дозиран костен јулеј

Состојки -

• 1.5 кг коски од говедско, пилешко или јагнешко
• 2 лажици маслиново масло
• 1 голем кромид, исецкан
• 2 моркови, сечени на парчиња
• 2 стебла целер, сечени на парчиња
• 4 чешниња лук, сечкани
• 1 лажичка црн бибер во зрно
• Неколку гранчиња свеж тимјан
• 1 лажица јаболков оцет
• 1 чаша дозиран масло
• 12 чаши вода
• Сол и бибер по вкус

Начин на подготовка -

• Во голем лонец загрејте маслиново масло на средна температура. Додајте кромид и пржете околу 5 минути додека не омекне. Додајте морков, целер, лук и бибер и пржете уште 5 минути.
• Додајте коски и измешајте. Налејте јаболков оцет, дозиран масло и вода. Доведете до вриење, па намалете топлина и оставете да се крчка 8 часа (или преку ноќ ако сакате).
• По 8 часа процедете јулејот и исфрлете коските. Зачинете со сол и бибер по вкус.
• Вашиот дозириан костен јулеј е подготвен за уживање!

Дозиран хумус со ѓумбир, турмерик, цвекло и рузмарин

Состојки -

• 1 конзерва наут, измиен и исцеден
• 2 лажици маслиново масло
• 2 лажици тахини
• 1 чешне лук, сечкан
• 3 лажици свежо цеден лимон
• Коцка ѓумбир (пола инч), ситно рендан
• Коцка турмерик (пола инч), ситно рендан
• 1 мало цвекло, печено и исецкано
• 2 лажички свеж рузмарин
• 5 лажици дозиран масло
• 5 коцки мраз
• Сол и бибер по вкус

Начин на подготовка -

• Ставете ги сите состојки во процесор за храна или блендер и блендирајте додека не добиете кремаста смеса. Ако е прегусто, додадете малку вода или маслиново масло.
• Пробајте и додадете зачини по вкус.
• Послужете со препечен пита леб или хрупкави зеленчуци. На здравје!

Дозирани bark чипсови со ѓумбир и чоколадо

Состојки -

• 2 чаши капки темно чоколадо
• 1/4 лажичка морска сол
• Коцка ѓумбир (пола инч), ситно рендан
• 3 лажици дозиран масло

Начин на подготовка -

• Во двоен котел или микробранова, стопете ги чоколадните капки.
• Додајте сол и ѓумбир, промешајте додека не се соедини.
• Додајте дозиран масло и повторно промешајте.
• Истурете на хартија за печење, рамномерно распоредете со лажица.
• Ставете во замрзнувач 15 минути или додека не се стврдне целосно.
• Кршете на парчиња и уживајте!

Ете ги најдобрите (и највкусни) рецепти со канабис за кога не се чувствувате најдобро. На здравје!

6. За крај

Медицинскиот канабис постојано нè изненадува, само прашање на време е кога науката ќе напредува, ќе открие нови сознанија и официјално ќе ги потврди неверојатните здравствени придобивки што ги добиваме од канабисот. 

Дотогаш, ќе мора да се потпреме на малку достапни информации и на нашите и искуствата на пријателите. Ако сте пробале канабис како третман за настинка или грип, не двоумете се да споделите коментар за вашето искуство!

МЕДИЦИНСКО ОТКРИВАЊЕ

Оваа содржина е само за едукативни цели. Информациите се добиени од истражувања од надворешни извори.

НАДВОРЕШНИ РЕФЕРЕНЦИ

1. Нестероидни антиинфламаторни лекови (NSAIDs), Ida Ghlichloo и Valerie Gerriets, 2020.