Која е разликата помеѓу CBD добиен од коноп и од канабис?

• 1. Како да разликувате што е коноп, а што канабис
• 2. Hemp cbd vs cannabis cbd
• 3. Визуелен аспект: Коноп vs Канабис
• 3. a. Канабис vs Коноп – Ресин
• 4. Дали ефектите на cbd од коноп и од канабис се разликуваат?
• 5. Законски статус: Главната разлика меѓу cbd од коноп и канабис
• 6. Заклучок

Откако се повеќе земји почнаа со легализација на употребата на марихуана за медицински цели, се зголеми интересот за користење на канабис за лекување на разни здравствени состојби, од лесна болка до третман на хронични болести. 

Опциите кога станува збор за марихуана се големи, секој може да најде токму тоа што му е потребно од оваа магична билка и нејзините разновидности, како со избор на strain така и со методите на употреба. 

Најчесто, кога станува збор за медицинска марихуана, луѓето се заинтересирани за CBD, канабидиол, канабиноидот во семејството на канабис кој дава многу здравствени бенефити и не го предизвикува типичниот cannabis high, кој пак е резултат на THC. 

Сепак, CBD може да се добие и од коноп и од марихуана, иако многу луѓе мислат дека тоа е исто, постојат неколку разлики, најмногу во количината: генерално земено, производите од CBD добиен од коноп содржат CBD само во помали количини од оние добиени од канабис.

1. Како да разликувате што е коноп, а што канабис

За да ја анализираме разликата помеѓу CBD добиен од коноп и канабис, најпрво треба да објасниме што се тие. Коноп е терминот што се однесува на оние растенија на марихуана кои содржат помалку од 0.3% THC. Тоа значи дека конопот е тип на марихуана. 

Канабис, пак, може да значи две работи: или целата група на растенија од марихуана кои создаваат цветови; или, како што обично се мисли, оние што даваат чувство на weed high, односно повисоки THC нивоа. 

Конопот, или индустрискиот коноп, е разновидност на Cannabis Sativa која се одгледува стотици години за различна употреба – од правење јажиња, облека, опрема за пловење, храна, медицина и многу повеќе.¹

Марихуаната, пак, односно психоактивните растенија, се делат во три категории: Cannabis Indica, Cannabis Sativa и хибриди, а секој тип има свои својства и ефекти. 

2. Hemp CBD vs Cannabis CBD

И канабисот и конопот содржат одредена количина на THC и CBD, како и други канабиноиди, терпени и над 1000 други соединенија. Па, во што е разликата? Како што спомнавме претходно, во количините на овие соединенија.²

На кратко, кај канабисот има многу THC, но помалку CBD. Кај конопот е спротивно, повеќе CBD и речиси никаков THC. Но, ова се менува со текот на времето; истражување во 2016 покажа дека нивото на THC во канабисот расте.³

Во 1995 година, THC имал просечно 4%, додека денес има strain-и и со над 27% THC, како нашиот strain Gorilla Cookies Auto. Истовремено, истото истражување покажа дека нивото на CBD паднало од 0.28% во 2001 на под 0.15% во 2014 година.

3. Визуелен аспект: Коноп vs Канабис

Голема разлика помеѓу коноп и канабис растенијата е нивниот изглед. Конопот, најчесто изгледа слаб, висок и со помалку лисја, односно фолијација.

Канабис растенијата, пак, обично се подебели, со повеќе лисја. Но, не сите strain-и изгледаат исто. Indica растенијата се најчесто темно зелени, ниски и густи, а нивните лисја се пошироки и не толку долги. Sativa се спротивното - светлозелени, високи и послаби, а лисјата им се потенки, подолги и со остри врвови. 

Постојат неколку други разлики, како што е ресинската содржина.

Канабис vs Коноп – Ресин

Клучна разлика помеѓу CBD добиен од коноп и од канабис е количеството на ресин кај секоја билка. Ресинот се наоѓа во трихомите на цветовите на марихуаната – тој сјаен, густи дел сличен на мали печурки што може да го видите со макро леќа. Помалку ресин има и на лисјата. 

Канабис растенијата обично содржат големи количини ресин, а конопот, особено индустрискиот, има далеку помалку ресин. Затоа, канабисот е побогат и поефикасен извор на CBD од конопот. CBD маслото добиено од коноп бара повеќе сурово растение за да се добие иста количина како кај канабисот. 

Се разбира, секогаш има исклучоци. Нови craft-типови на коноп покажуваат невообичаено висока концентрација на CBD, помеѓу 12% и 20% CBD и 0.3% или помалку THC.

4. Дали ефектите на CBD од коноп и од канабис се разликуваат?

На молекуларно ниво, CBD добиен од двата типа билки останува ист. Така што, може да се каже дека ефектите на CBD се исти, без разлика дали е од канабис или коноп. 

И CBD од коноп и CBD од канабис даваат слични несакани ефекти, како што се:

• Чувство на замор;
• Чувство на напнатост; 
• Вознемирен стомак. 

Но, кога станува збор за позитивните ефекти на CBD, комбинацијата со THC дава повеќе бенефити отколку само CBD. Ова значи дека канабисот може да произведе поголем опсег ефекти отколку конопот.

За да го искористите максимумот од медицинскиот канабис, треба најпрво да го пронајдете strain-от кој соодветствува на вашите потреби. Консултирајте се со вашиот доктор за ефектите што ги барате, а со експерти во канабисот да го пронајдете strain што најмногу ви одговара. 

Имајте предвид дека иако CBD носи одредени ефекти, комбинацијата со други соединенија како терпени, заедно ги дава очекуваните ефекти. Научете повеќе за својствата на секоја врста терпен ако сакате поточно да го користите вашиот weed.

5. Законски статус: Главната разлика меѓу CBD од коноп и канабис

Една од најважните разлики меѓу CBD-от од канабис и од коноп е законскиот статус на продуктите. Пошто конопот не предизвикува психоактивни ефекти, не може навистина да биде забранет. Канабисот, пак, предизвикува high и затоа е нелегален во некои држави. 

Конопот беше декриминализиран пред неколку години, па секој производ добиен од овој тип на марихуана легално може да се комерцијализира, додека тоа не важи за CBD од канабис. 

Ова е заради тоа што некои производи од канабис-CBD содржат и THC, и во зависност од земјата, дозволено е да се продаваат производи со до 0.3% THC. Ова значи дека ако канабис-CBD производот содржи помалку од 0.3% THC, сепак може да се продава, повторно според законите на државата. 

За посилни CBD производи, најверојатно ќе ви биде потребен медицински рецепт, а тие обично содржат поголеми количини на THC кое ќе ве направи high, па информирајте се за тие факти. 

Сепак, ако живеете во држава каде употребата на марихуана е целосно легализирана, и за рекреативна и за медицинска намена, единственото што ви преостанува е да ги следите вашите лични потреби. 

6. Заклучок

Канабисот е full-spectrum растение кое може да помогне за повеќе различни проблеми истовремено. И иако ова е позитивно, може да биде збунувачки кога треба да одлучите кои strain-и да ги садите бидејќи сите се одлични. 

Важно е да направите свое истражување, да прашате пријатели или експерти, и да испробувате за да откриете што навистина работи за вас. Така побрзо ќе го најдете тоа што ви треба.

Бидејќи ниту еден човек досега не умрел од консумација на канабис, нема потреба да се грижите ако сакате да експериментирате со различни strain-и и методи на консумирање додека не најдете што ви одговара навистина.

МЕДИЦИНСКО ИЗВИНУВАЊЕ

Оваа содржина е за едукативни цели. Информациите се добиени од истражувања и надворешни извори.

НАДВОРЕШНИ РЕФЕРЕНЦИ

1. "The Seed of Industrial Hemp (Cannabis sativa L.): Nutritional Quality and Potential Functionality for Human Health and Nutrition" Barbara Farinon, Romina Molinari, Lara Costantini, and Nicolò Merendino. July 2020.
2. "Cannabis sativa: The Plant of the Thousand and One Molecules" Christelle M. Andre, Jean-Francois Hausman, and Gea Guerriero. February 2014. 
3. "Changes in Cannabis Potency Over the Last 2 Decades (1995-2014): Analysis of Current Data in the United States" Mahmoud A. ElSohly, Zlatko Mehmedic, Susan Foster, Chandrani Gon, Suman Chandra, and James C. Church. April 2016.