Сѐ за терпени: Што е Мирцен?

• 1. Што е Мирцен?
• 2. Каде се наоѓа Мирцен?
• 3. Структура на терпените мирцен
• 4. За што се користи мирценот?
• 4. a. Мирцен и неговите седативни својства
• 4. b. Мирцен како антиинфламаторен и аналгетик
• 4. c. Мирцен за инхибиција на тумори
• 5. Кои сорти се богати со Мирцен?
• 6. Заклучок

Ако сте заинтересирани за дегустирање на различни вкусови и мириси на канабис, тогаш она што всушност ве привлекува е една компонента во марихуаната и сите други растенија наречена терпени. Овие терпени се одговорни за карактеристичниот мирис и вкус кај повеќето растенија и плодови.

На пример, ако некогаш сте почувствувале зачинет, земјен, мошусен мирис и благо-слаткаст вкус во канабис цветови, голема е веројатноста дека уживавте во својствата на терпените мирцен.

Мирценот е еден од најзастапените терпени во марихуаната, кој покрај тоа што дава интензивни вкусови на нашите цветови, има и широк спектар на својства.

Бидејќи секој терпин во семејството на канабисот носи свој сопствен комплекс на својства, ајде детално да ги разгледаме терпените мирцен. 

1. Што е Мирцен?

Како што спомнавме, терпените познати како мирцен се најзастапени во канабис растенијата и затоа се сметаат за еден од десетте примарни терпени.

Терпените се миризливи масла кои го дефинираат мирисот на многу растенија и тревки. Овие соединенија не се психоактивни сами по себе, бидејќи се појавуваат во повеќето растенија во природата, а некои растенија сепак не ве прават 'хај', нели?

Терпените мирцен, како и останатите терпени во марихуаната, се произведуваат во трихомите на цветовите. Трихомите се жлезди со форма на печурка или лижавче, каде се создаваат и другите познати канабиноиди како THC и CBD.

Кај мирценот, најпрепознатлив мирис и вкус е токму земјен и зачинет, додека некои луѓе препознаваат ноти на балсам, мошус или каранфилче. Еве ја неговата техничка табела: 

Исто како и другите терпени, мирценот обезбедува многу физички и ментални придобивки при консумирање, особено во комбинација со други терпени и канабиноиди за што ќе зборуваме подолу. 

2. Каде се наоѓа Мирцен?

Освен неговото големо присуство во канабисот, мирценот се наоѓа и во долга листа на растенија и билки, како еукалиптус, лимонова трева, иланг-иланг, ловор, магдонос, див тимјан, хмељ, кардамон, каранфилче.

Мирценот е исто така често застапен во манго, па затоа често се јавуваат овошни, слатки вкусови кај цветови богати со мирцен. 

Дали знаевте?

Дали знаевте дека поради високиот процент на мирцен, мангото може да го засили вашиот канабис ефект? Овој урбан мит всушност е научна вистина. 

Во индустријата, терпените мирцен најмногу се употребуваат за производство на козметика и парфеми. Во традиционалната медицина, лимоновата трева се користела за подобрување на сон и несоница. Често ќе ги сретнете смирувачките чаеви за сон со вкус на лимонова трева богати со мирцен. 

Исто така, бидејќи магдоносот содржи поголеми количества мирцен, овие терпени се наоѓаат во многу јадења, особено во азиската кујна која често додава и манго, извор богат со мирцен. 

3. Структура на терпените мирцен

Терпените мирцен се категоризираат како монотрепени, вид терпени што се состојат од две изопрен единици и имаат молекуларна формула C₁₀H₁₆. Овие компоненти со линеарна структура се клучни за создавање на други секундарни терпени. 

Понатаму, овој вид терпени се покажал дека може да спречи неколку типови на канцер, како и да делува антибактериски, антисептички и антивирусно. Да ги разгледаме специфичните својства на терпените мирцен. 

4. За што се користи мирценот?

Главното својство на мирценот кај канабисот е засилување на ефектите на THC, психоактивното соединение во марихуаната. Затоа и настанал митот со мангото: бидејќи мангото е богато со мирцен, навистина го појачува ефектот од марихуаната. 

Сепак, како и секој терпин во канабисот, и мирценот има свои предности, како што се:

• Помага при спиење;
• Го опушта мускулатурата;
• Олеснува болка;
• Делува антибиотски и антимутагено;
• Спречува напади и др.

Ајде да ги разгледаме придобивките од консумирање на сорти богати со мирцен. 

Мирцен и неговите седативни својства

Една од најсилните дејства на терпените мирцен е нивната седативна моќ. Дали некогаш сте го искусиле 'couch-locked' ефектот после димен голем џоинт? (За тие што не знаат, 'couch-locked' значи да сте толку хај што едноставно не сакате да се придвижите од каучот или каде што седите.)

Ако некогаш сте почувствувале толкава летаргија, сигурно сте консумирале сорти со висок процент на мирцен.

Иако се потребни уште истражувања, едно истражување на глувци (да, пак врз животни), покажа дека овие соединенија навистина создаваат седативни ефекти кај глодарите.¹ 

Овие резултати го поддржуваат користењето на производи со висока содржина на мирцен кај лица со анксиозност, стрес или несоница. Инаку, THC е исто така познат по овие ефекти, па така канабисот може да биде идеална алтернатива за справување со овие симптоми. 

Мирцен како антиинфламаторен и аналгетик

Друго големо својство на мирценот е неговото аналгетско и антиинфламаторно дејство. Како и некои други канабиноиди, мирценот е докажан како ефективен за олеснување болки и намалување на воспаленија. 

Истражување од 1991 година, исто така врз стаорци, покажа дека овие терпени ја намалуваат нокицепцијата, т.е. болката што настанува со физички повреди. Истражувачите откриле дека мирценот влијае врз ендогените опиоиди во човечкото тело, хемикалии што телото ги произведува како одговор на болка. 

Овие соединенија даваат слични ефекти како оние во лекови богати со опиоиди, како што е морфиумот, но без негативните ефекти што тим навистина имаат тие лекарства.

Бидејќи терпените мирцен го намалуваат воспалението, тие се ветувачки за лица со различни состојби, од лесна мускулна болка и воспаление до акутни нарушувања како артритис.

Покрај тоа, мирценот забавува оштетување и напредување на болестите. 

Мирцен за инхибиција на тумори

Уште едно често својство на терпените мирцен е нивниот анти-тумор ефект. Благодарение на анти-инфламаторната акција, тие можат да помогнат во разградба на канцерогените тумори.²

Исто така, студија од 2015 година покажа дека мирценот може значително да ја намали метастатската активност на клетките на рак на дојка. Сепак, оваа студија е спроведена на клеточно ниво, па се потребни дополнителни истражувања за целосно утврдување на анти-тумор својствата на терпените мирцен. 

5. Кои сорти се богати со Мирцен?

Откако ги поминавме придобивките и ефектите од терпените мирцен, се надеваме дека ќе ви помогнеме да идентификувате дали овој состав е оној кој го барате во канабисот.

За оние кои бараат цветови со изразено земјена, зачинета и благо-слаткаст вкус, го препорачуваме нашиот Fast Buds оригинал, OG Kush Auto. Овој силен, 23% THC strain е индика-доминантен хибрид, идеален за опуштање.

Уште една сорта богата со мирцен е нашиот оригинален AK Auto strain. Овие семки ќе дадат порамнотежен сатива-индика ефект, со 60% сатива и 40% индика. AK Auto е идеален за почетници, бидејќи е отпорна и расте дури и во најтешки услови. 

6. Заклучок

Учењето за својствата и карактеристиките на секоја компонента во канабисот е важно за правилно да ги идентификувате ефектите од секој strain на марихуана, и да извлечете максимум од нив.

Кога ги познавате ефектите што ги дава секој терпин и ќе го пронајдете вашиот личен вкус, ќе можете да изберете конкретни растенија за одгледување кои ги содржат тие компоненти. На тој начин ќе уживате во високо искуство полно со овие соединенија што ги сакате. 

Вкусовите и аромите на марихуаната се толку разновидни, исто како и во гурманска кујна. Варијантите и комбинациите се бескрајни, затоа не двоумете се да експериментирате додека не ја пронајдете идеалната strain за вас. 

НАДВОРЕШНИ РЕФЕРЕНЦИ

1. "Central effects of citral, myrcene and limonene, constituents of essential oil chemotypes from Lippia alba (Mill.) n.e. Brown" T. Gurgel do Vale, E. Couto Furtado, J.G. Santos Jr, and G.S.B. Viana. Декември 2002.
2. "Antitumor Activity of Monoterpenes Found in Essential Oils" Marianna Vieira Sobral, Aline Lira Xavier, Tamires Cardoso Lima, и Damião Pergentino de Sousa. Октомври 2014.