Што значи Cali-Sober?

• 1. Што значи терминот 'cali sober'?
• 2. Како да препознаете дека некој има зависност
• 3. Како марихуаната може да помогне при надминување зависност?
• 3. a. Допамин и неговото функционирање во мозокот
• 3. b. Заменување на изворот на допамин
• 4. Заклучок

Како што марихуаната станува дел од современиот начин на живот, добивајќи се повеќе одобрување за легална употреба ширум светот со текот на годините, оваа супстанца веќе не е табу како што беше порано. 

Билката која некогаш се сметаше за илегална и затоа опасна дрога, денес не е реткост за наоѓање на скоро секое дружење или забава, и тоа не само меѓу младите, туку и кај возрасните корисници на канабис. Можно е дури да сте слушнале за пријатели кои споделиле џоинт со своите родители или баби и дедовци.

Она што сакаме да го кажеме е дека ставот на општеството кон марихуаната се менува, и за повеќето луѓе, ова веќе не е супстанца за која треба многу да се грижите. Всушност, придобивките од канабисот за телото се премногу добри за да се игнорираат.

Факт е дека марихуаната може да биде голем сојузник при справување со зависности, на пример, постои цел нов бран на луѓе кои користат канабис за да се одвикнат или пребродат алкохолизам. Ајде да дознаеме што значи да се биде Cali sober.

1. Што значи терминот 'Cali sober'?

Терминот 'Cali sober', кратенка за California sober, се користи за луѓе кои не консумираат алкохол но пушат марихуана. А зошто токму Калифорнија? Делот Калифорнија во Cali sober најверојатно доаѓа поради асоцијацијата на марихуаната со најстоуна американска држава, а и првата која ја легализира медицинската употреба на билката, уште во 1996 година. Покрај тоа, со легална рекреативна марихуана денес, не е чудо што ова е рај за љубителите на канабис. 

Сепак, иако Cali sober значи дека лице сѐ уште консумира марихуана во било кој облик и со било која цел – медицинска или рекреативна – постојат различни мислења за границите на оваа дефиниција. На пример, Urban Dictionary смета дека Cali sober значи да не пиете алкохол ниту користите други дроги, освен канабис. ¹

Од друга страна, некои мислат дека Cali sober се однесува само на ограничување на алкохолот и дека дозволува користење психоделици. На крај, не е толку битна дефиницијата, туку пронаоѓањето на тоа што функционира за секој поединец и останување доследен на тоа. 

На пример, ако некој се мачи со зависност од некоја дрога, тогаш можеби Cali sober може да му помогне да ја надмине таа зависност. Истото важи и за алкохолот – ако некој алкохоличар се обидува да остане трезен преку Cali sober пристапот, тоа не значи дека не го прави тоа правилно. 

2. Како да препознаете дека некој има зависност

Доколку нешто сме научиле од филмови и телевизија, посебен поздрав до BoJack Horseman, тоа е дека првиот чекор за справување со зависност е да признаете дека ја имате. 

Постои голема разлика помеѓу употреба, злоупотреба и зависност од супстанции. Се разбира, не можеме да го занемариме фактот дека употребата на супстанција е првиот и единствен начин за злоупотреба, но не секој стигнува до таа точка. Точно така, злоупотребата е најбрзиот пат до развој на зависност. 

Употребата на супстанција значи едноставно понекогаш да се консумира некоја супстанција, алкохол или друга дрога, но не на дневна основа и не премногу често. Злоупотребата, пак, се однесува на неправилна употреба на супстанцијата или дрогата. 

Ова често подразбира користење на супстанцијата на начин кој не треба, како земање повеќе од препорачаната доза, користење туѓи рецепти за дополнително снабдување, користење како бегство за добар осет, олеснување на стресот или за избегнување на реалноста, и слично. 

Сепак, лицата кои користат или злоупотребуваат супстанција се уште имаат контрола врз навиката и можат да ја прекинат кога сакаат. Ова е клучната разлика и тенката линија помеѓу злоупотреба и зависност. 

Кога некој страда од зависност, без разлика од што, тоа значи дека го изгубил контролата над својот однос со супстанцијата. Ова се манифестира и физички и емоционално; по некое време на воздржување можат да се јават анксиозност, физичка болка и други симптоми. ²

Еве неколку знаци според кои може да препознаете кај себе или блиски луѓе дали постои зависност:

Ако забележите неколку од овие знаци кај себе или познат, важно е да се реагира што побрзо и да се побара соодветна помош за решавање на проблемот. 

3. Како марихуаната може да помогне при надминување зависност? 

За да разбереме како марихуаната може да помогне во борбата против зависност, треба најпрво да објасниме како се развиваат зависностите и како функционира мозокот. 

Допамин и неговото функционирање во мозокот

Главен виновник за повеќето зависности е допаминот, невротрансмитер кој реагира на пријатни стимулации во наградниот систем во мозокот. Како работи ова? Кога имаме позитивно искуство, токму допаминот ја создава желбата тоа да се повтори, мотивирајќи нѐ пак и пак да го правиме истото. 

Нивото на допамин кое се создава со дрогите може да биде многу високо, а кога мозокот ќе се навикне на оваа состојба со екстра допамин, развива толеранција кон супстанцата што го активира. Тоа значи дека со текот на времето потребна е поголема количина за да се предизвика истото чувство како порано. 

И на крај, бидејќи уживањето под влијание на високи нивоа допамин е преголемо, кога лицето не е под дејство, активностите кои порано носеле радост веќе не се толку пријатни како претходно. 

Заменување на изворот на допамин

Кога зависникот престанува со супстанцијата, тоа може да го натера да бара друг начин за пополнување на празнината, односно нешто што повторно ќе предизвика задоволство и ќе го зголеми нивото на допамин кое претходно го добивал од супстанцијата. 

За среќа, високи нивоа допамин можат да се постигнат со интензивни тренинзи, секс, слушање музика, храна, спиење, и се разбира, консумирање марихуана. Значи, всушност, изведувањето на било која од овие активности, како патот Cali sober, може да помогне во надминување на зависноста. 

Следејќи го т.н. пристап намалување на штети (harm-reduction), кој подразбира бавно намалување на употребата наместо нагло прекинување, и комбинирајќи го со Cali sober, односно користење марихуана за намалување на симптомите од воздржаност, може да биде совршен рецепт за некој да се справи со зависноста.

Дознајте сѐ за марихуаната и начини како може да помогне да се надминат зависности од алкохол, дроги или други супстанции во следниот напис. 

4. Заклучок

Од историјата знаеме дека никој никогаш не починал од марихуана и дека дури и да се обидете, реално не постои ризик од предозирање од преголема употреба на канабис. 

Затоа, ако некој сака да биде Cali sober како начин да избега од потешка зависност, како алкохол или други дроги, не треба да му дозволиме на никого, особено не на стоунер, да дава негативни коментари за тоа. Кога некој вложува напор за промена на подобро, никој не треба да го осудува начинот на кој го прави тоа, се додека функционира. 

Која е опасноста во Cali sober? Пушиш премногу па гледаш серии цела ноќ? Или јадеш премногу заситувајќи го munchies? Возиш преспоро? Не гледаме голем проблем тука. Уживајте во животот како Cali sober!

МЕДИЦИНСКО ОТКРИЕ

Оваа содржина е наменета само за едукативни цели. Информациите се базирани на податоци собрани од надворешни извори.

НАДВОРЕШНИ РЕФЕРЕНЦИ

1. "California Sober" Urban Dictionary - топ дефиниција.
2. "Behavioral Addiction versus Substance Addiction: Correspondence of Psychiatric and Psychological Views" Seyyed Salman Alavi, Masoud Ferdosi, Fereshte Jannatifard, Mehdi Eslami, Hamed Alaghemandan, и Mehrdad Setare. Април 2012.