Трева на Филипини: Водич за легалниот статус на канабис

• 1. Закони за канабис на Филипини
• 1. a. Поседување
• 1. b. Употреба
• 1. c. Продажба
• 1. d. Одгледување
• 2. Дали cbd е легален на Филипини?
• 3. Дали е легално да се испраќаат семиња од канабис на Филипини?
• 4. Медицински канабис на Филипини
• 5. Индустриски коноп на Филипини
• 6. Историја
• 6. a. Политика
• 7. Корисни совети

Дом на повеќе од 110 милиони луѓе, Филипини е фасцинантна и разновидна земја во Југоисточна Азија. Сместена во западниот дел на Пацификот, се состои од над 7000 острови, познати по прекрасните плажи и вкусното тропско овошје што привлекува туристи од целиот свет. 

Сепак, кога станува збор за законите за дроги, вклучително и канабисот, Филипини е позната по некои од најригорозните и најстроги казни во светот денес. Мнозина се запознаени со војната против дрогата имплементирана од неодамна пензионираниот претседател Родриго Дутерте, кој водеше беспоштеден пристап кон канабисот и дрогите во земјата. Во денешната статија ќе се задлабочиме во ситуацијата на тревата во Филипини, вклучително и строги казни за поседување, продажба и одгледување, како и анализа на можностите за легализиран медицински канабис во иднина.

1. Закони за канабис на Филипини

За време на контроверзниот претседателски мандат на Родриго Дутерте, Филипини ја доби репутацијата на една од, ако не и најстрога земја во светот кога станува збор за архаичните закони за дроги. Во текот на страшната кампања, позната како „војната на Дутерте против дрогите“, се проценува дека повеќе од 25.000 луѓе беа убиени за време на неговото претседателство од 2016 до 2022 година. Иако промената на раководство може да подразбира нова насока за земјата, денешните закони поврзани со марихуана на Филипини остануваат некои од најригорозните во светот. Ајде да погледнеме поблиску.

Поседување

Поседувањето канабис е нелегално на Филипини уште од 1972 година, но законот подоцна се заострува. Законот „Comprehensive Dangerous Drug“ од 2002 година го дефинира канабисот како т.н. „опасна дрога“ – сметан за исто толку деструктивен како хероин и метамфетамин. Согласно филипинскиот закон, и поседувањето и употребата на канабис се сметаат за нелегални со исклучително драконски казни за престапниците. 

За оние кои ќе бидат фатени со 10 грама или повеќе хаш или 500 грама канабис, казните вклучуваат:

• Доживотен затвор или потенцијална смртна казна
• Парична казна од 500.000 до 10 милиони песоси

Поседувањето помалку од 10 грама хашиш или 300 грама марихуана резултира со нешто поблаги казни, вклучувајќи:

• 20 години до доживотен затвор
• Парична казна од 500.000 песоси 

Конечно, за количини на хаш помалку од 5 грама или 200 грама канабис, казните повторно се намалуваат на:

• Затворска казна од дванаесет до дваесет години
• Парична казна од 300.000 до 400.000 песоси 

Без разлика на погорните разлики, самото поседување канабис на Филипини практично е како да го уништите својот живот.

Употреба

Не само што е поседувањето марихуана на Филипини строго нелегално, туку и ако ве фатат дека ја „употребувате“ растението, исто така ве очекуваат сериозни правни проблеми. Ако, на пример, паднете на тест за дрога на Филипини, минималната казна е шест месеци во владина рехабилитациска клиника. Повторните престапници можат да добијат затвор од шест до дванаесет години, плус висока парична казна од 50.000 до 200.000 песоси. 

Продажба

Очекувано, продажбата и дистрибуцијата на канабис исто така се нелегални на Филипини, а казните се меѓу најстрогите што можат да се замислат. Кој и да биде фатен како продава канабис може да очекува најстрога казна – доживотен затвор или смртна казна. Можно е и парична казна од 500.000 до 10 милиони песоси. Дополнително, секој фатен дека увезува канабис може да очекува смртна казна или доживотен затвор, како и казна од 500.000 до 10 милиони песоси.

Во одредени случаи се изрекуваат казни од дванаесет до дваесет години затвор и парични казни од 100.000 до 500.000 песоси. Филипинските закони за дроги ги таргетираат и оние што криеaт или заштитуваат дилери на дрога со исто толку жестоки казни, дури и ако лицето не било директно вклучено во трговијата со нелегални супстанции. Казните вклучуваат

• Затворска казна од дванаесет до дваесет години
• Парична казна од 100.000 до 500.000 песоси

Одгледување

Како што претпоставивте, одгледувањето канабис е нелегално на Филипини и оние што ќе бидат фатени како го одгледуваат растението можат да очекуваат слични казни како горенаведените. Повторно, доживотен затвор или потенцијална смртна казна, заедно со казна од 500.000 до 10 милиони песоси им се пресудува на оние фатени при одгледување марихуана.  

Дополнително, секое земјиште што се користи за одгледување канабис ќе биде запленето од државата, освен ако сопственикот не докаже дека не знаел за одгледувањето. Поради „Воената против дрогата“ на Дутерте, спроведувањето на овие закони последниве години е особено заострено, при што претходниот претседател водеше беспоштеден пристап. Но, Дутерте ја напушти функцијата минатото лето, а на негово место дојде Бонгбонг Маркос, кој, иако името сугерира поинаку, веројатно нема значително помек став од својот претходник.

2. Дали CBD е легален на Филипини?

Според Филипинската агенција за спроведување на закони за дроги, купувањето и употребата на било кој дериват од канабис, вклучувајќи масло од семе од коноп, е нелегално на Филипини. Поради оваа забрана, секој што ќе внесе CBD во земјата може да се соочи со сериозни обвиненија, што најчесто доведува до затвор и/или голема парична казна.

3. Дали е легално да се испраќаат семиња од канабис на Филипини?

Одговорот е очекуван – Не, семињата од канабис не може да се испраќаат ниту од, ниту во Филипини. Било какви деривати од растението канабис, вклучително и семиња од канабис, се сметаат за исто толку нелегални како и самите растенија и не можат да се купат, употребуваат или продаваат на Филипини. 

4. Медицински канабис на Филипини

Иако земјата е стриктна кон рекреативната употреба на дроги, последниве години се отвора можност за медицински канабис во Филипини. Досегашниот претседател најмногу беше препознат по војната против дрогата, но тој призна дека може да се воведе легализиран медицински канабис во иднина. По неговото заминување, легализацијата може да е поблиску од очекуваното, бидејќи во последните месеци е предложен закон со кој конечно би се легализирал медицинскиот канабис.

5. Индустриски коноп на Филипини

Како и кај канабисот, одгледувањето коноп е нелегално на Филипини. Сепак, тоа може да се промени во иднина, особено ако се донесе закон за легализација на медицинска марихуана.

Моментално, нема разлики во филипинското законодавство што дозволува одгледување на било кој вид канабис, без разлика на нивото на THC. Но, поради потенцијалната потреба за CBD масла и други медицински третмани и погодната клима, Филипини би можеле да размислат за легализација на индустрискиот коноп, особено бидејќи земјата очигледно има потреба од економски подем.

6. Историја

Не постојат прецизни информации која земја или народ прв го донел канабисот на Филипини. Сепак, постојат анегдоти дека Кинезите, Шпанците и Индусите влијаеле на воведувањето на растението во филипинската култура. Но, во 1972 година беше донесен Законот за опасни дроги. Ова ја направи марихуаната нелегална во земјата. Класифицирана како опасна дрога, целосно е забрането производство, продажба, одгледување, поседување, увоз и употреба на растението.

После пет децении, малку е променето. Особено, мандатот на претседателот Дутерте доведе до уште построги закони донесени пред околу пет децении. Контроверзен лик и некаков сојузник со поранешниот претседател на САД, Трамп, Дутерте ја спроведе бруталната Војна против дрогата, што доведе до смрт на многумина, претежно сиромашни градски жители. Се претпоставува дека неколку илјади убиства биле извршени од страна на Филипинската национална полиција. Дутерте и други високи официјални лица се сметаат за главни виновници за поттикнување и спроведување на смртните случаи, а Human Rights Watch ги класифицира овие убиства како потенцијални злосторства против човештвото.

Политика

Последниот предлог-закон Сенатска иницијатива 230, има за цел да ја легализира медицинската употреба на марихуана. Иако овој закон не промовира употреба на суров канабис, туку препорачува капсули и масло за пациенти со тешки медицински состојби. Сенаторот Робинхуд Падила, кој прв го внесе законот во парламентот во 2022 година, се залага за легализација на медицинската марихуана како „хуманитарно алтернативно средство за третман.“

Според предлозите во законот, марихуаната ќе може да се користи и купува само во јавни болници, бидејќи земјата не е подготвена ни способна да ја следи нејзината продажба во аптеки или продавници. Исто така, законот предлага да се продолжи со истражување за потенцијалната медицинска вредност на канабисот за низа болести.

„Државата треба, како исклучок, да дозволи употреба на канабис за хуманитарни цели и промоција на здравјето и добросостојбата на граѓаните што имаат крајна потреба, додека истовремено обезбедува најстроги регулативи за да се спречи злоупотребата и профитерството,“ стои во законот поднесен од Падила. Неколку сенатори, вклучувајќи го и Роналд „Бато“ Дела Роса, веќе го изразија своето поддржување за предложената легализација на медицинска марихуана во Филипини, подвлекувајќи ги можните терапевтски бенефити и економски придобивки за одгледувачите, како и за државата.

„Ако може ова економски да го искористиме, ако на пример медицинската марихуана стане легална во земјата, ова ќе стане голем извор на приходи за луѓето во Кордилера, бидејќи природно расте во нивните планини.“ Одлуката за легализација на медицински канабис на Филипини се очекува подоцна оваа година.

7. Корисни совети

Иако чинот за медицинска легализација несомнено е добредојден буст за Филипини, сепак има многу малку изгледи дека земјата ќе разгледа целосна легализација на канабисот на краток или долг рок. Со идеална клима за одгледување канабис и ослабена економија, се чини логично дека Филипини на крај би размислиле за нова регулатива што би дозволила индустриско одгледување коноп. Но таквата логика тешко дека ќе промени јавно или политичко мислење, со оглед на тоа што растението сè уште се смета за опасна и зависна дрога.

Со сето тоа што го научивте денес, сигурни сме дека ако планирате да ги посетите овие неверојатни острови, најдобро би било да се воздржите од консумација на канабис, земајќи ги предвид исклучително строгите казни за користење. Иако во некои рурални заедници се уште се користи марихуана, нејзината употреба не е широко распространета. Врз база на претходно опишаните строги казни, апсолутно препорачуваме да ја избегнувате нашата прекрасна билка кога патувате во оваа разновидна земја. Едноставно, не вреди да се ризикува. Ако сакате да дознаете повеќе за законите за канабис низ светот, посетете ја нашата детална Fast Buds блог секција, каде што ќе најдете најнови вести, совети за одгледување и многу повеќе.