Разбирање на терпени: Што е Линалол?

• 1. Што е Линалол?
• 2. Каде може да се најде Линалол?
• 3. За што се користи Линалол?
• 4. Кои се здравствените бенефити на Линалол?
• 4. a. Линалол за анксиозност, депресија и стрес
• 4. b. Линалол за намалување на болка и воспаление
• 4. c. Линалол и Алцхајмерова болест
• 4. d. Линалол како антибактериски агенс
• 5. Кои се сортите богати со Линалол?
• 6. Најважното

Кога пушиме, вапоризираме или јадеме канабис, уживаме во многу состојки кои се наоѓаат во растенијата и цветовите на канабисот. Меѓу овие состојки, ги наоѓаме популарните THC и CBD, познатите канабиноиди што овозможуваат разни бенефити.

Но THC и CBD не се единствените компоненти во марихуаната што носат бројни бенефити. Терпените, на пример, се друга класа соединенија кои се присутни во цветовите на канабисот и даваат одлични ефекти, различно во зависност од типот на терпеноидот. 

На пример, линалол е тип на терпеноид кој е одговорен за слатката, цветна, понекогаш ментолеста и дрвенеста арома и вкус во растенијата и плодовите во природата. Но тоа не е сè што го прави линалолот: тој има и неверојатни здравствени предности. 

Ајде да ги разгледаме својствата на терпените со линалол во канабисот!

1. Што е Линалол?

Како што споменавме погоре, линалол (ли-на-лол) е дел од семејството на терпени во растенијата на канабис, оној кој ја карактеризира слатката, цветна, благо цитрусна и дрвенеста арома и вкус. Но што е терпеноид, можеби ќе се запрашаш.

Терпените се ароматични соединенија кои се пронаоѓаат во растенијата на марихуана, како и во поголемиот дел од другите растенија и плодови, кои им даваат на растенијата свој специфичен мирис и вкус. Постојат повеќе од 100 видови терпени, и токму нивната комбинација ѝ дава на секоја сорта уникатна арома и својства.

Во растенијата на марихуана, терпените се создаваат во трихомите на цветовите, сјајните, транспарентни жлезди со форма на печурка каде што се создаваат и други канабиноиди, како THC и CBD.

Линалолот е монотерпен кој не е меѓу најзастапените во растенијата на канабис. Но сепак, линалолот толку често се сретнува во секојдневната храна и пијалаци, што се смета дека просечното годишно внесување на линалол за човекот изнесува два грама по лице.

2. Каде може да се најде Линалол?

Иако линалолот не е дел од примарните терпени во канабисот, тој изобилува во повеќе од 200 растенија, како лаванда, дафинка, нане, ружино дрво, мента, чемпрес, коријандер, босилек и уште многу други.¹ 

Линалолот се среќава и во габи и некои овошја, како мандарини, лимон, во мускатно оревче, ѓумбир, црн чај, тимјан, жалфија и други. 

3. За што се користи Линалол?

Како и многу други чести терпени од канабисот, како што се пинен и лимонен, линалолот се развил како заштита кај растенијата, да ги одбиеинсекти предатори и други надворешни влијанија. 

Затоа, не е чудно што линалолот често се наоѓа како состојка во инсектициди и репеленти. Инсектицидите на база на линалол ефективно ги убиваат или одбиваат овошни мушички, болви, комарци и бубашваби.

Од друга страна, имајќи предвид дека линалолот е познат по цветните, ментолестите и дрвенестите нијанси на арома и вкус, ќе го најдете во разни производи во козметика, средства за чистење и ароматерапија што го содржат овој терпеноид. 

Иако лавандата се смета за седативно и опуштачко цвеќе, всушност содржината на линалол ја обезбедува таа релаксирачка функција. Затоа и не зачудува што многу масла за кожа за масажа и медитација содржат арома на лаванда. 

Провери ја етикетата на било кој твој домашен производ и нема да те изненади ако најдеш термини како бета линалол, линалил алкохол или линалол оксид во листата на состојки. Сите овие се изведени од терпеноидот линалол. 

Додека некои терпени можат да предизвикаат алергии на кожа ако се користат во големи количини, кај линалолот тоа не е случај. Овој терпеноид е безбеден за надворешна употреба, па затоа го среќавате во лична и нега на кожа, како шампони, сапуни и лосиони. 

Производи што содржат витамин Е исто така можат да содржат линалол, бидејќи тој е негов нуспроизвод.

4. Кои се здравствените бенефити на Линалол?

Освен што е одличен додаток во храната, пијалаците, козметиката и средствата за чистење, линалолот носи и неколку здравствени предности, како што се: 

• Намалување на анксиозност и стрес;
• Намалување на воспаление и болка;
• Делува како антибактериски агенс;
• Ја спречува невродегенерацијата и уште многу.

Ајде да ги видиме сите својства на линалолот.

Линалол за анксиозност, депресија и стрес

За жал, се уште тестирањето на животни е најчесто користената методологија за научни откритија. На пример, една студија на глувци покажа дека линалолот овозможува зголемена релаксација кај примероците.²

Понатаму, бидејќи линалолот е одличен седатив и релаксирачки компонент, се покажал ефикасен во третман на депресија и за ублажување на стресот.

Всушност, линалолот, како и терпеноидот пинен, се користат како антидепресив од страна на народната медицина веќе со години, зголемувајќи ги нивоата на серотонин, допамин и други неуротрансмитери во мозокот.

Линалол за намалување на болка и воспаление

Многу студии ја потврдуваат ефикасноста на линалолот во третманот на болка и воспаление. Линалолот ја ублажува болката на три начини:

• Таргетирајќи ги ацетилхолин неуротрансмитерите во мозокот, кои се одговорни за мускулното движење;
• Со намалување на возбудата на клетките што пренесуваат болка кон мозокот, познати како спинални клетки на кордата;
• И со контрола на срцевиот ритам, зголемувајќи го бројот на аденозин во мозокот.^3,4,5

Од друга страна, повеќе студии на глувци, ех, потврдиле дека линалолот може да помогне во намалување на воспалението.

Научниците откриле дека ова терпеноид го инхибира воспалението кај глушец со акутна повреда на белите дробови, што го прави компетентен за третман на воспаление.⁶ 

Линалол и Алцхајмерова болест

Студија спроведена во 2015, погодете на што, на глувци покажала дека линалолот може да ги врати когнитивните и однесувачките функции на мозокот оштетени од Алцхајмерова болест. ⁷

Сепак, потребни се повеќе истражувања за потврдување на својствата на линалолот како третман за Алцхајмер. 

Линалол како антибактериски агенс

Бидејќи повеќето терпени настануваат како одбрана за растенијата против инсекти и други предатори, не изненадува што овие терпени се ефикасни и против бактерии. 

Студија од 2012 потврдила дека линалолот има силна антимикробна активност во устата, па затоа паста за заби и раствори за плакнење базирани на линалол се препорачуваат за добра усна хигиена. ⁸

5. Кои се сортите богати со Линалол?

Откако ги наведовме некои од бенефитите кои ги добиваш од линалол терпените, логично е да се прашаш кои сорти на канабис содржат најмногу линалол. Ајде да откриеме.

Линалолот изобилува во слаткиот хибрид Z Auto.

Корисниците најчесто го опишуваат вкусот на оваа сорта како виножито, со арома на шеќерни бонбони и бобинки, плус малку манго, грејпфрут и чоко-земјени нијанси.

6. Најважното

Нема што да се срамиш ако уживаш во учење повеќе за канабисот. 

Колку повеќе знаеш за растенијата марихуана, различните состојки кои ја дефинираат секоја сортa, и придобивките што ги носат, толку повеќе контрола ќе имаш врз твоето искуство со канабисот.

Кога ги избираш твоите сорти прецизно, ќе можеш да уживаш токму во ефектите, вкусовите и аромите што најмногу ги обожаваш!

НАДВОРЕШНИ РЕФЕРЕНЦИ

1. "Линалол" National Center of Biotechnology Information. 
2. "Anxiolytic and Anticonvulsant Effects on Mice of Flavonoids, Linalool, and α-Tocopherol Presents in the Extract of Leaves of Cissus sicyoides L. (Vitaceae)" Edvaldo Rodrigues de Almeida, Krissia Rayane de Oliveira Rafael, Geraldo Bosco Lindoso Couto, and Ana Beatriz Matos Ishigami. March 2009.
3. "Linalool modifies the nicotinic receptor-ion channel kinetics at the mouse neuromuscular junction" L. Re, S. Barocci, S. Sonnino, A. Mencarelli, C. Vivani, G. Paolucci, A. Scarpantonio, L. Rinaldi, and E. Mosca. August 2000.
4. "Linalool blocks excitability in peripheral nerves and voltage-dependent Na+ current in dissociated dorsal root ganglia neurons" José Henrique Leal-Cardoso, Kerly Shamyra da Silva-Alves, Francisco Walber Ferreira-da-Silva, Tiago dos Santos-Nascimento, Humberto Cavalcante Joca, Flávio Henrique Pequeno de Macedo, Pedro Militão de Albuquerque-Neto, Pedro Jorge Caldas Magalhães, Saad Lahlou, Jader Santos Cruz,  and Roseli Barbosa. October 2010.
5. "Involvement of adenosine A1 and A2A receptors in (-)-linalool-induced antinociception" Alessandra T. Peana, Paolo Rubattu, Gian Giorgio Piga, Silvia Fumagalli, Giampiero Boatto, Proto Pippia, and M. Graziella De Montis. April 2006.
6. "Anti-inflammatory effects of linalool in RAW 264.7 macrophages and lipopolysaccharide-induced lung injury model" Journal of Surgical Research. January 2013.
7. "Linalool reverses neuropathological and behavioral impairments in old triple transgenic Alzheimer's mice" Angélica Maria Sabogal-Guáqueta, Edison Osorio, and Gloria Patricia Cardona-Gómez. March 2016. 
8. "Antimicrobial effect of linalool and α-terpineol against periodontopathic and cariogenic bacteria" Soon-Nang Park, Yun Kyong Lim, Marcelo Oliveira Freire, Eugene Cho, Dongchun Jin, and Joong-Ki Kook. June 2012.