Зошто пушењето канабис ме прави гладен?

• 1. Што се печки?
• 2. Како телото сигнализира глад?
• 2. a. Што е апетит спротивно на глад?
• 3. Зошто точно thc ни го зголемува апетитот?
• 4. Печките и нивната примена во медицината
• 5. Како да ги контролирате печките кога се премногу јаки
• 6. Крајниот заклучок

Оххх така сте испушиле џоинт и скок во иднината, седите во кујната, целата кујнска опрема ви е извадена затоа што сакавте баш нешто специфично, а потоа и нешто друго, и пред да забележите сте поминале низ сите различни вкусови, слатко, солено, кисело и горчливо одеднаш. Тоа звучи... нормално. 

Не е чудно што тревата нѐ прави гладни, тоа го гледаме од сопствено искуство, а и постојано како стереотип по филмови и серии. Смешно е кога ќе се сетиме на времињата кога како тинејџери се враќавме дома напукани и буквално го празневме фрижидерот, а родителите и не приметуваа. 

Но, дали некогаш сме се запрашале која е причината за таа огромна глад? Сите знаеме дека печките се виновни за ова, но што ја предизвикува печката всушност?

1. Што се печки?

Ако сте нови во стонерскиот свет, терминот 'печки' се користи да ја означи наглата глад што се јавува по консумација на марихуана. Оваа глад ја предизвикува главниот психоактивен канабиноид во семејството на канабисот, тетрахидроканабинол, или како што сите го знаат, THC.

Овој канабиноид има повеќе ефекти врз нашето доживување и многу други аспекти на телото, но ретко кој од нив е толку познат и чест како ефектот на печките. Дознајте се за THC во текстот погоре. 

2. Како телото сигнализира глад?

Кога не сме под дејство на никаква супстанца, телото ни праќа сигнали дека е гладно, а тоа е резултат на четири различни фактори: 

• Колку се празни стомакот и цревата;
• Тековното ниво на шеќер во крвта;
• Нивото на хормони;
• И сигнали од дел во мозокот наречен хипоталамус.

Истите четири фактори сигнализираат и кога телото е премногу сито. Но, глад не е исто што и апетит. 

Што е апетит спротивно на глад?

Дали некогаш сте поминале покрај пекарата на аголот, таа што ве тера да посакате некое слатко печиво или колаче? Можеби веќе сте биле полни, но сепак убавиот мирис ве натера да посегнете по нешто вкусно.

Тоа е апетит, не сте гладни бидејќи стомакот е полн, но мислата и мирисот на тоа што го чувствувате ве тера да направите место за уште. Воедно и емоциите можат да го разбудат апетитот. 

Колкупати сте изеле непотребно многу храна поради анксиозност, нервоза, или за решавање некоја емоционална нерамнотежа? Класична сцена од филм: после раскинување, пачка сладолед. И обратно, можете да останете без волја за јадење поради голем шок. 

Затоа, кога имаме печки, можеме да изедеме огромни количества храна независно од големината и просторот во стомакот, што значи дека THC не ја зголемува гладта туку апетитот. 

3. Зошто точно THC ни го зголемува апетитот?

Кога консумираме марихуана, ја внесуваме преку рецепторите на нашиот ендоканабиноиден систем, кој, меѓу другото, учествува во контролата на апетитот. Затоа, кога ќе дојде во допир со THC, нормално е гладта да почне да нараснува.

Во исто време, THC стимулира и хормон наречен грелин, познат по тоа што ни создава чувство на глад. Овој хормон учествува во системите за апетит во мозокот и ја зголемува гладта. ²

Понатаму, уште една причина зошто THC го создава ова чувство на изразена глад е затоа што, кога доаѓа во контакт со рецепторите во олфакторниот булбус во мозокот, маса од нервни клетки поврзани со сетилото за мирис, влијае на тоа како ги доживуваме мирисот и вкусот на храната. 

Кога THC ќе се поврзе со овој олфакторен булбус, се врзува за неговите рецептори и резултира со зголемено чувство за мирис и вкус на храната, односно најголемиот знак дека сте фатени од печките. Не е чудо што храната изгледа попривлечна кога сме баш напуштени. ³

4. Печките и нивната примена во медицината

Денес, со оглед што законите полека се менуваат кон употребата на канабис за медицински цели, прашањето дали може печките да се користат во медицински цели нормално ни се врти низ главите.

Бидејќи дефинитивно е докажана стимулацијата на апетитот од марихуаната, таа може да се користи за пациенти со вакви проблеми, како луѓе со нарушувања во исхраната, пациенти со рак кои ќе почнат хемотерапија и други. 

Кога пациент со нарушувања во исхраната, како анорексија или булимија, се лекува, тешко е луѓето околу него да сфатат дека се работи за ментален проблем. Тоа значи дека колку и да ги охрабрувате да јадат, често постигнувате спротивен ефект. 

Очајниот пристап кон ментално болните само ги оддалечува од решението, бидејќи кај нив создава стрес и анксиозност поврзана со јадењето, што има спротивен ефект. 

Тука доаѓа директната помош од тревата. Од една страна, THC природно го поттикнува апетитот, и може да го врати чувството на радост при јадење кое го губат повеќето пациенти со нарушувања. CBD, од друга страна, ја намалува анксиозноста поврзана со јадењето од која страдаат овие пациенти. Канабисот е познат по тоа што нѐ релаксира, што е точно она што им треба на овие пациенти склони кон контрола. 

Инаку, стравот од дебелеење е чест меѓу лицата со нарушувања во исхраната, но најголемиот број стонери се со просечна тежина, независно од тоа колку грицкаат кога имаат печки. Се верува дека канабисот го забрзува метаболизмот и помага да останете во форма. 

5. Како да ги контролирате печките кога се премногу јаки

Некои луѓе имаат потреба од дополнителен поттик што го даваат печките, но понекогаш ни треба спротивното, особено кога конечно се решаваме на диета да се ослободиме од некој килограм плус, новогодишни резолуции некој?

Борбата против печките е тешка, но не и невозможна. Најпрво би ви препорачале да не каснувате ништо додека трае влијанието на печките. Дури и ако каснете само малку, веќе сте го ослободиле ѕверот апетит во себе. 

Се случува, нели? Си велите „само едно залче” и пред да се свестите, цел пакет чипс е веќе изеден и вие барате нова ужинка. Се работи за самоконтрола — ако одолеете да грицкате додека трае ефектот, кога ќе ви помине, полесно ќе си ја вратите контролата врз јадењето. 

Но, знаеме дека понекогаш делењето на печките со пријателите е дел од забавата додека се пуши, и тоа не треба да го пропуштите! Не е сѐ црно — постои поимот здраво грицкање, и досега никого не убило. 

Кој рекол дека печките значат само ѓубре храна? Држете се до диетата како шампион или набавете нешто здраво, ќе уживате во печките исто како и другарите. Овошје, салати, јатки и пуканки се само дел од здравите грицки за печки кои можете да ги пробате.

6. Крајниот заклучок

Кога станува збор за ефектите на канабисот, не можеме да ги избегнеме. Истото важи како со алкохолот — ако пиете, ќе се опиете, па не можеме да се лажеме околу природните ефекти од субстанците што ги користиме. 

Она што можеме да го направиме е да бидеме свесни за нив, и да се обидеме да ги контролираме што е можно повеќе. Кога сме добро информирани за тоа што нѐ опкружува, не само во однос на канабисот, стануваме свесни корисници и ќе извлечеме максимум од секоја ситуација. 

Печките може да бидат и пријател и непријател — ваш е изборот какви ќе бидат. Ви посакуваме да стигнете до точка на максимално задоволство, и не заборавајте да ни пишете кои се вашите омилени грицки за печки!

НАДВОРЕШНИ РЕФЕРЕНЦИ

1. "Регулацијата на внесот на храна кај луѓето" Марк Хопкинс, Џон Бландел, Јејсон Халфорд, Нил Кинг и Грејам Финлисон.
2. "Ефекти од орална, пушена и испарувана марихуана врз ендокрините патишта поврзани со апетит и метаболизам: рандомизирана, двојно-слепа, плацебо контролирана студија кај луѓе" Мехди Фарохнија, Греј Р. МкДиармид, Метју Н. Њумајер, Викас Муњал, Осама А. Абулсауд, Мерилин А. Хјустис и Лоренцо Легио.
3. "Истражување на печките: Онлајн анкета за искуството на корисници со ефектите на канабис врз апетит и развој на Прашање за Канајбиноидното Искуство со Јадење" Карл А. Робертс, Герри Јагер, Пол Кристиансен и Тим С. Киркам.