• 1. Придобивки од канабис сол за бањање
• 2. Како да направите сол за бањање со канабис
• 2. a. Состојки и алатки за правење масло од канабис
• 2. b. Изработка на маслото чекор по чекор
• 2. c. Состојки и алатки за канабис сол за бањање
• 2. d. Изработка на солта чекор по чекор
• 2. e. Како да дозирате и користите канабис сол за бањање
• 2. f. Како да направите diy канабис бомби за бањање
• 3. Дали канабис солта за бањање ве опива?
• 3. a. А што е со тестови за дрога?
• 4. Заклучок

Во изминатите неколку децении, зборот марихуана конечно престана да биде табу, со се повеќе држави што ја легализираат нејзината медицинска и рекреативна употреба.

Откако започнаа овие промени, оваа супстанца доби признание и популарност поради сите нејзини неверојатни здравствени придобивки, а нови производи базирани на канабис почнаа редовно да се појавуваат на пазарот.

Покрај за медицински цели, сега постојат дури и произвиди за убавина и благосостојба направени од марихуана, како што се лосиони, балсами, креми и дури и соли за бањање! 

Иако можете да ги најдете овие производи на пазарот, можете и сами да ги подготвите дома, осигурувајќи се дека се направени со здрави состојки и притоа ќе заштедите прилично пари! Денес, ќе ве водиме како сами да си направите DIY канабис соли за бањање.

1. Придобивки од канабис сол за бањање

Солите за бањање со канабис се одличен начин буквално да се потопите во марихуана, додека истовремено добивате неверојатни здравствени придобивки. Без разлика дали користите THC и/или CBD соли за бањање, со натопување во нив, канабиноидите влијаат на CB2 рецепторите во вашата кожа, што го стимулира ендоканабиноидниот систем - системот што нѐ одржува балансирани во различни аспекти, овозможувајќи огромни здравствени придобивки. 

Најпрво, зелената бања сигурно ќе ви го релаксира телото и умот, ќе го намали нивото на стрес и ќе ги опушти мускулите. Ако барате олеснување од болка, можете и за тоа да користите канабис сол за бањање. 

Топикалите се користат и за намалување на воспаление предизвикано од алергии, воспалителна болест на цревата и артритис кај некои пациенти, па релаксирачка канабис бања со меурчиња можеби е токму тоа што ви треба. 

Во исто време, потопување во магична зелена бања може да помогне во зголемување на крвната циркулација и хидратација на кожата, што придонесува за младешки изглед. Луѓето со кожни состојби како што се егзема, првут и псоријаза, исто така можат да ги користат солите за бањање од марихуана како третман. 

Имате главоболка? Менструални грчеви? Па, нема ништо што добра зелена бања не може да среди. 

2. Како да направите сол за бањање со канабис

За да направите сол за бањање со канабис, треба да поминете два чекори: најпрво да подготвите масло од канабис, а потоа солта. Правењето масло е едноставно, па еве чекор по чекор водич за подготовка на масло од канабис и потоа преминуваме на солта. 

Состојки и алатки за правење масло од канабис

• 15 - 30 грама цветови од марихуана;
• 500 мл кокосово масло;
• Плех за печење;
• Тенџере;
• Рингла;
• Газа;
• Гумен ластик;
• Стаклена тегла. 

Изработка на маслото чекор по чекор 

Првиот чекор за правење масло од канабис е декарбоксилација на цветовите, односно претворање на cуровите компоненти CBDA и THCA во активни компоненти, CBD и THC. Започнете со загревање на рерната на 115 °C. 

Земете плех, ставете хартија за печење и наредете ги цветовите од марихуана по вадење на стебленцата. Поделете ги цветовите во помали парчиња и ставете ги во рерна околу 30 минути, со повремена контрола да не изгорат. 

Откако ќе ја декарбоксилирате тревата, измелете ги цветовите и измешајте ги во тенџере со кокосовото масло. Постепено мешајте на тиха топлина околу еден час.

Со газа и гума, прицврстете ја газата на устата од теглата за процедување на маслото. Газата нека формира мала чашка во теглата. 

Кога мешавината е подготвена, процедете го маслото преку газата, обидувајќи се да отстраните што повеќе растителен материјал. На крај, истиснете ја газата за последните капки. 

Оставете го да се излади и вашето масло е готово! Кога успешно ќе го направите маслото од канабис, подготвени сте да почнете со солта за бањање. 

Состојки и алатки за канабис сол за бањање

• 400 грама Epsom сол;
• 14 грама масло од канабис;
• Етерични масла (по желба);
• Стаклена тегла;
• Мерни чаши и лажици.

Изработка на солта чекор по чекор

Кога ќе ги соберете сите потребни состојки и опрема за подготовка на канабис сол за бањање, во стаклената тегла додадете ги 700 грама Epsom сол и 14 грама масло од канабис. Добро промешајте за солта рамномерно да биде покриена со масло, но не премногу мокра.

Доколку сакате дополнителен мирис, додадете неколку капки етерични масла во мешавината. Најчести се лаванда, роза, портокал или нане. Мешавината е подготвена за употреба по 1 до 2 часа. 

Како да дозирате и користите канабис сол за бањање

За најдобри резултати од домашната канабис сол за бањање, употребете помеѓу 170 и 350 грама по бања и потопете се минимум 20 минути. 

Внимание

Маслата во вашата сол за бањање се екстремно лизгави, затоа бидете внимателни кога ќе ја користите и чувајте се да не се лизнете и повредите.

Сепак, имајте на ум дека солта за бањање нема да предизвика психоактивен ефект, па не мора да се грижите за количината. 

Како да направите DIY канабис бомби за бањање

Ако повеќе сакате сами да направите бомби за бањање наместо сол, тогаш следете ги овие 5 лесни чекори по подготовката на солта.

1. Измешајте 150 грама канабис сол за бањање со 225 грама сода бикарбона, 115 грама пченкарен скроб и 115 грама лимонска киселина;
2. Додајте доволно вода за навлажнување на мешавината;
3. Добро промешајте додека не добиете рамномерна смеса со конзистенција на влажeн песок;
4. Ставете во сферични силиконски калапи;
5. Оставете ги да се исушат преку ноќ. 

Кога ќе се исушат домашните канабис бомби за бањање, тие се подготвени за користење. Пуштете ја водата и наполнете ја кадата, време е за релаксација и ништо друго!

3. Дали канабис солта за бањање ве опива? 

Првото прашање што многу нови или повремени корисници на марихуана ќе си го постават е дали канабис солта за бањање ќе ги опие или не. Краткиот одговор е не. 

Доколку користите соли за бањање со канабис што содржат само CBD, нема никаков начин да бидете опиени од капење во нив. Истото важи и доколку треба да дадете крвен тест или тест за дроги – нема да има никаков ефект врз резултатите.

И за опивност и за тестови за дрога неопходно е THC во крвта. Но дури и ако вашата сол за бањање содржи THC, и натаму нема шанси да ве опие – ниту траењето на бањата нема да го промени тоа.

Причината за ова е што маслото од канабис во солта за бањање не може да навлезе доволно длабоко во кожата за да стигне до крвниот систем, кој е единствениот пат за THC да ве опие – преку крвта. 

Tака што, по бањање со канабис меурчиња, да, најверојатно ќе се чувствувате екстремно релаксирано, но релаксирано не значи опиено. 

А што е со тестови за дрога?

Ако токму ова ве загрижува, не грижете се! Досега нема пријави за паднати на тест за дрога поради топикални производи со канабис, вклучувајќи креми, лосиони и соли за бањање.

Единствен исклучок се трансдермални фластери со високо ниво на THC кои многу се разликуваат од производите за бањање или топикалите. Овие фластери се дизајнирани да ја испорачаат активната состојка директно преку кожата во крвотокот, во текот на часови и денови.

Заради тоа, ако ве чека тестирање за дрога, иако шансите да паднете се минимални, можеби е најпаметно претходните денови да избегнувате какви било производи од канабис за секој случај.

Заклучок

Канабис производите се одлични не само затоа што се направени од природни состојки, што е се почесто барано од купувачите, туку и поради фантастичните здравствени придобивки што ги овозможуваат. 

Исто така, DIY-проектите секогаш се забавни за проба, особено кога имате слободно време дома. Заборавете на непрекинато гледање Netflix и подарете си релаксирачка, магична зелена бања. 

Не заборавајте во коментарите да го споделите вашето искуство со канабис солите за бањање!