Дали канабисот ја зголемува спортската изведба?

• 1. Правниот аспект на канабисот во спортот
• 1. a. Несигурност околу детекцијата
• 2. Придобивки од користење канабис во спортот
• 2. a. Канабис за третирање воспаление
• 2. b. Марихуана за справување и ублажување на болка
• 2. c. Канабис за мускулни грчеви
• 2. d. Марихуана и менталното здравје
• 2. e. Канабис за враќање на балансот
• 3. Заклучок

Некои спортисти би претпочитале да избегнуваат консумирање канабис поради верувањето дека тоа може да влијае на нивната спортска изведба. Разбирливо е да се сака да се избегнат надворешни фактори кои би можеле негативно да влијаат на личните цели кога напорно тренираш да ги постигнеш.

Сепак, спротивно на општото верување дека консумирањето канабис ги прави луѓето мрзеливи, факт е дека комбинирањето на марихуана и спортот е всушност добра идеја. Секако, не велиме дека треба да свиткаш дебел џоинт пред да излезеш да трчаш, иако, ако тоа ти одговара – нема да те спречиме.

Она што сакаме да кажеме е: не дозволувај општествените предрасуди да станат и твои. Ако уживаш во употребата на марихуана и сакаш да дознаеш како да ја искористиш за подобра спортска изведба, на вистинското место си.

Најважното е што својствата на канабисот се ветувачки за спортот кога станува збор за:

• Забрзано опоравување по физичка активност, дозволувајќи ти да тренираш повторно со добро одморено тело;
• Ослободување од болка предизвикана од интензивни тренинзи;
• Намалување на воспаление на зглобови и мускули, и повеќе.

Да погледнеме кои се придобивките на канабисот во спортот.

1. Правниот аспект на канабисот во спортот

Работите сè уште се менуваат кога станува збор за законитоста на канабисот и професионалниот спорт. Кога во 2004 година Светската антидопинг агенција (WADA) стана одговорна за утврдување на листата на забранети супстанци во спортот, тие одлучија дека канабисовите канабиноиди ќе бидат вклучени во Листата на забранети супстанци за сите спортови за време на натпреварување. ¹

Сепак, ова ги опфаќа стотици канабиноиди кои се присутни во канабисот и производите од канабис, со исклучок на CBD, или канабидиол. Имајќи го ова предвид, спортистите кои користат CBD за својата спортска изведба треба да знаат дека некои CBD масла и концентрати сепак можат да содржат мали количини THC и други канабиноиди кои би можеле да доведат до позитивен тест за допинг. 

Од друга страна, веќе има позитивни промени. На пример, НХЛ, американската кошаркарска BIG3 и Мејџор Лига Бејзбол веќе ја олеснија својата политика во однос на употреба на канабис. 

Несигурност околу детекцијата

Голем проблем со суспензиите поради детекција на канабис во урината на спортисти е тоа што оние кои редовно користат THC и CBD можат да покажат позитивни резултати од 4 недели до 3 месеци по последната употреба на супстанцијата.

Затоа, спортист може и да биде казнет, а да нема прекршено никакви правила. Бидејќи WADA тврдоглаво тврди дека канабисот е средство за подобрување на изведбата (исто како и здрава исхрана), очигледно е дека растението навистина има неколку користи за спортот. 

2. Придобивки од користење канабис во спортот

Марихуаната е добро позната од медицински аспект по нејзините својства за ослободување од болка и воспаление. Ова не е исклучок ни во спортот. Кога користиш канабис по напорен тренинг, исто така ќе ги почуствуваш овие придобивки. 

Канабис за третирање воспаление

Првенствено, многу професионални спортисти, особено оние во контактни спортови, користат канабис за побрзо опоравување преку нанесување на топикални препарати и лосиони од канабис.

Воспалението на зглобовите и мускулите не е невообичаено по интензивно вежбање или тренинг. Најдобро е што дури не мора ни да пушиш трева за да ги искористиш нејзините придобивки – ако се грижиш за здравјето на белите дробови, користење CBD креми, јадење едули или зелени смути со трева, или пак неколку капки канабисово масло може да биде токму решението за болката.²

На пример, браќата Дијаз, двајца познати MMA борци, јавно користат канабис по напорни борби или дури и на прес-конференции пред сниматели. Овие момци дури се соочиле со казни и ризик за суспензија поради користење канабис, со што не беа премногу среќни.

Сепак, тоа не ги спречи да говорат гласно. Денеска, браќата продолжуваат да се борат за промена на правилата: склучиле неколку соработки и дури основале компанија за исхрана со растителна основа и CBD, наречена GameUp.

Марихуана за справување и ублажување на болка

Кога споменуваме контактни спортови, најчесто првото нешто што ни доаѓа на ум се боречки спортови, но тоа не е единствениот случај каде спортистите користат канабис како сојузник. 

На пример, во март 2016 година, поранешниот играч на НФЛ Eugene Monroe беше првиот тогаш активен играч што јавно проговори за користењето на канабис за третман на повреди и хронична болка предизвикани од спортот. Дополнително, во мај истата година, Monroe објави јавен апел во New York Times каде побара од НФЛ и комесарот да ги прекинат тестирањата за канабис кај играчите. 

Според него, оваа супстанца е побезбедна алтернатива од другите често препишувани лекови, како што се опиоидите.³

“Сега знаеме дека овие лекови (опиоиди) не се толку безбедни како што мислеа докторите, предизвикуваат поголема зависност и смрт, а го имаме канабисот кој е многу поздрав, помалку зависен и, искрено, може да биде подобар во справувањето со болката.”

Штом Monroe се пензионираше, целосно му се посвети на подигнување на свеста за здравствените и медицински придобивки од марихуаната. Сега е активен член на Athletes for CARE, HealthyUnow и Green Thumb Industries, истражувачки, одгледувачки и дистрибутивен центар за канабис. 

Канабис за мускулни грчеви

Друга честа употреба на канабис во медицински цели е неговата способност да ги третира мускулните грчеви кај лица со болести како Паркинсон или епилепсија. Тоа е затоа што комбинацијата од неговите канабиноиди THC и CBD заедно делуваат релаксирачки на телото и смирувачки на анксиозноста и ги олеснуваат нападите.⁴

Значи, спортистите кои имаат проблеми со грчеви поради силен тренинг или напрегнати мускули, може да најдат олеснување од малку марихуана.

Марихуана и менталното здравје

Пациентите со ментални проблеми како депресија или анксиозност често им се препишува марихуана како природна и алтернативна терапија. Причината е што е позната по своите релаксирачки својства – THC дава чувство на опуштеност, а CBD делува анксиолитично. 

Со земање на мали количини канабис, или дури микродозирање, спортистите можат навистина да го подобрат фокусот и така својата спортска изведба. Исто така, консумирањето трева во спортот или животот општо покажало големи антистрес ефекти. 

Стресот, дефиниран како „состојба на ментално или емотивно напрегање или тензија како резултат на тешки околности“, не е реткост во спортот. Спротивно на верувањата дека спортот релаксира, всушност дел од ефективниот тренинг е да се турнеш себеси до граница – физички и психички – за да се надминеш себе си. 

Не велиме дека ова не е здраво, но тоа е форма на стрес – го тераш телото и умот да се надминат себеси, т.е. стрес. Затоа, повремено земање марихуана во мали количини пред тренинг или колку сакаш по тренинг може да биде идеално за ублажување на стресот од напорни тренинзи и освежување за следниот. 

Сите што веќе имаат пушено по тренинг сигурно го знаат наградувачкото чувство што го дава џоинтот во потна тренерка. 

Исто така, и канабисот и спортот се одлични опции за лица со проблеми со спиење, така што, ако користиш трева и имаш активен ден, сигурни сме дека ќе заспиеш штом ќе легнеш. Кој има потреба од апчиња за спиење кога има канабис?

Канабис за враќање на балансот

Последен аспект на помошта што ја дава канабисот за спортската изведба е неговиот адаптоген карактeр. Адапатогени се група на нетоксични растенија и билки кои му помагаат на телото да си го врати балансот. 

Адаптоген ти треба кога се чувствуваш дефокусирано и сакаш да се смириш и вратиш во нормала. CBD го постигнува тоа така што се врзува со ендоканабиноидниот систем и неговите CB1 и CB2 рецептори за промоција на баланс во телото. 

Кога е правилно изведен, интензивниот тренинг треба да го извади телото надвор од зоната на комфор. Можеби си приметил дека стануваш неумешен по тренинг или мускулите ти се тресат поради замор и интензитетот што си го дал. 

Па, малку марихуана сигурно ќе помогне да ги „вклучиш сензорите за баланс“ во телото и да започнеш со обнова на рамнотежата. 

3. Заклучок

Канабисот е комплексен природен состав, богат со бројни придобивки и колку повеќе истражуваме, толку повеќе откриваме. 

Светот сè уште се прилагодува и се отвора кон канабисот, а кога тој ден конечно ќе стигне – ќе можеме во целост да ги искористиме предностите на оваа свето растение. 

Во меѓувреме, зошто да не го пробаш канабисот во спортот и да видиш како ќе го вклопиш во твоите навики?

НАДВОРЕШНИ РЕФЕРЕНЦИ

1. "Листата на забранети супстанци" Светска антидопинг агенција, WADA. 2020.
2. "Дали канабисот е ефикасен третман за болка во зглобовите?" Richard J. Miller и Rachel E. Miller. септември 2018. 
3. "Канабисот како замена за опиоиди" Charles John Gonzalez, Nicole Quackenbush и Sharon Stancliff. јули 2019.
4. "Канабис за третман на епилепсија: ажурирање" Tyler E. Gaston и Jerzy P. Szaflarski. септември 2018.